सरिता गिरीलाई सांसद पदबाट हटाउन सिफारिस- समाचार - कान्तिपुर समाचार
कान्तिपुर वेबसाईट
AdvertisementAdvertisement

सरिता गिरीलाई सांसद पदबाट हटाउन सिफारिस

कान्तिपुर संवाददाता

काठमाडौँ — समाजवादी पार्टीकी सांसद सरिता गिरीलाई पदबाट हटाउन सिफारिस गरिएको छ । पार्टी महासचिव रामसाहयप्रसाद यादव नेतृत्वको कार्यदलले गिरीलाई मंगलबार सांसद पद र पार्टीको साधारण सदस्यबाट हटाउन सिफारिस गरेको हो ।

पार्टी संसदीय दलको निर्देशन र ह्वीप नमानेका कारण गिरीलाई पार्टी र सांसद पदबाट हटाउन सिफारिस गरिएको कार्यदल सदस्य मोहम्मत इस्तियाक राईले कान्तिपुरलाई जानकारी दिए ।

संविधानको अनुसूची ३ मा रहेको निसान छाप परिवर्तनका लागि कालापानी, लिपुलेक र लिम्पियाधुरा समावेश गरिएको नक्सा संशोधनका लागि ल्याइएको संविधान संशोधन विधेयकको उनले विरोध गरेकी थिइन् । उक्त विधेयकमाथि गिरीले संशोधन प्रस्तावसमेत दर्ता गराएकी थिइन् । पार्टी प्रमुख सचेतक उमाशंकर अरगरियाले संशोधन प्रस्ताव फिर्ता लिन भन्दै गिरीलाई निर्देशन दिए पनि उनले मानेकी थिइनन् ।

संविधान संशोधन प्रस्तावलाई निर्णयार्थ प्रस्तुत गर्ने दिन पार्टीको ह्विपविपरीत संसद्‌मा उपस्थित भएर उनले संशोधन प्रस्तावको विरोध गर्दै बाहिष्कार गरेकी थिइन् ।

प्रकाशित : असार २३, २०७७ १५:३६
प्रतिक्रिया
पठाउनुहोस्

नेचर हर्ब्सको कारोबार सुरु

कान्तिपुर संवाददाता

काठमाडौँ — वस्तुको प्रत्यक्ष बिक्री सेवाअन्तर्गत नेचर हर्ब्स इन्टरनेसनलले आफ्नो कारोबार सुरु गरेको छ । काठमाडौंमा आइतबार आयोजित कार्यक्रममा कम्पनीका अध्यक्ष जीबी राईले कारोबार सुरु भएको औपचारिक घोषणा गरे ।

कम्पनीले उद्योग वाणिज्य तथा आपूर्ति मन्त्रालयबाट असार १७ मा कारोबार गर्ने स्वीकृति प्राप्त गरेको उनले जनाए ।

कार्यक्रममा अध्यक्ष राईले वस्तुको प्रत्यक्ष बिक्री नेपालमा नयाँ भए तापनि विश्व बजारमा धेरै पुरानो भएको बताए । ‘यो व्यवसायबाट लाखौं नेपालीले सुलभ, गुणस्तरीय वस्तु प्राप्त गर्नेछन् भने लाखौंका लागि रोजगारी समेत सिर्जना हुनेछ’, उनले भने, ‘समृद्ध नेपाल, सुखी नेपालीको राष्ट्रिय आकांक्षामा यसबाट थोरै भए पनि योगदान हुनेछ ।’

कम्पनीको उपाध्यक्ष नेपाल प्रहरीको पूर्वनायव महानिरीक्षक (डीआईजी) छवि जोशीले नेचर हर्ब्सले वस्तुको प्रत्यक्ष बिक्रीको ईजाजत प्राप्त गरेको र आजदेखि ग्लोबल प्लान सार्वजनिक गरेकोमा खुसी लागेको बताए ।

नेचर हर्ब्स इन्टरनेशन पिटिई एलटीडी प्रत्यक्ष बिक्री प्रणालीमार्फत नेपाली जैविक हर्वल उत्पादनलाई विश्व बजारमा बिक्री गर्ने पहिलो बहुराष्ट्रिय कम्पनी हो ।

प्रकाशित : असार २३, २०७७ १५:३२
पूरा पढ्नुहोस्
प्रतिक्रिया
पठाउनुहोस्
×