अनशनरत युवालाई भेट्न अस्पताल पुगे प्रधानमन्त्री

'म नै आएँ, सरकारको पर्याप्त ध्यानाकर्षण भएको छ । माग पूरा हुन्छ । अनशन तोड्नुस् ।'
कान्तिपुर संवाददाता

काठमाडौँ — प्रधानमन्त्री केपी शर्मा ओलीले सरकारविरुद्ध अनशनरत अस्पताल भर्ना गरिएका इसान अधिकारी र पुकार बमलाई भेटेका छन् । बिहीबार साँझ धुम्बाराहीस्थित ह्याम्स अस्पताल पुगेर ओलीले उनीहरुको स्वास्थ्य अवस्था बुझेका प्रधानमन्त्रीका प्रेस सल्लाहकार सूर्य थापाले जानकारी दिए ।

ह्याम्स अस्पतालमा अनशनकारी युवाहरुलाई भेट्दै प्रधानमन्त्री केपी शर्मा ओली । तस्बिर : सौजन्य प्रधानमन्त्रीको सचिवालय ।

सरकारले कोभिड १९ विरुद्धको प्रतिकार्य प्रभावकारी ढंगले चलाउन नसकेको, पीसीआर परीक्षण बढाउनु पर्ने लगायत माग राखी अधिकारी, बम लगायत ललितपुरको पाटन दरबार स्क्‍वायरमा एक सातादेखि अनशनमा बसेका थिए ।

प्रधानमन्त्रीले आफू भेट गर्न आएको भन्दै माग पूरा गर्ने बताएका थिए । प्रधानमन्त्रीको भनाइ उद्धृत गर्दै प्रेस सल्लाहकार सूर्य थापाले भने, 'म नै आएँ, सरकारको पर्याप्त ध्यानाकर्षण भएको छ । माग पूरा हुन्छ । अनशन तोड्नुस् ।'

जवाफमा अनशनरत युवाले आफूहरुका केही माग रहेको भन्दै छलफलका लागि कुनै माध्यम बनाइदिन प्रधानमन्त्री ओलीसँग आग्रह गरेका थिए ।


तस्बिर : कविन अधिकारी/कान्तिपुर

प्रकाशित : असार १८, २०७७ २०:२३
प्रतिक्रिया
पठाउनुहोस्

बसन्तपुरमा मैनबत्ती बालेर सरकारको विरोध [तस्बिरहरु]

शब्द/तस्बिर: संजोग मानन्धर

काठमाडौँ — सरकारको कोभिड १९ को प्रतिकार्य प्रभावकारी नभएको भन्दै बसन्तपुर दरबार स्क्‍वायरमा बिहीबार मैनबत्ती बालेर शान्तिपूर्ण विरोध गरिएको छ । युवाको बाहुल्य रहेको विरोध कार्यक्रममा उनीहरुले विभिन्न नारा लेखिएका प्लेकार्डसहित प्रदर्शन गरेका हुन् । सहभागीहरुले हाम्रो जीवन रक्षा गर, सरकार तिम्रो पाराले दु:ख पायो साराले, खराब सिस्टम सिकार हामी लगायत नारा लेखिएका प्लेकार्ड बोकेका थिए ।


प्रकाशित : असार १८, २०७७ २०:०३
पूरा पढ्नुहोस्
प्रतिक्रिया
पठाउनुहोस्
×