इन्जिनियरविरुद्ध भ्रष्टाचार मुद्दा

अख्तियार दुरुपयोग अनुसन्धान आयोगले शाक्यविरुद्ध १० करोड ७७ लाख रुपैयाँ भ्रष्टाचार गरेको अभियोग लगाएको हो । उनी हाल खानेपानी तथा ढल व्यवस्थापन विभागअन्तर्गत दिक्तेलमा कार्यरत थिए । २०४९ साल जेठ २ गतेदेखि ओभरसियर पदबाट सेवा सुरु गरेका शाक्यले जागिरमा रहँदा आर्जन गरेको सम्पत्तिबाट श्रीमती र भान्जीको नाममा समेत सम्पत्ति लुकाएको भेटिएको अख्तियारको दाबी छ ।

सेवा अवधिमा रहँदा उनले जम्मा १ करोड ६१ लाख रुपैयाँ आर्जन गरेका थिए । तर त्यस अवधिमा उनले १२ करोड ३९ लाख रुपैयाँ कमाएको अख्तियारको दाबी छ । अख्तियारले सम्पत्ति लुकाएको आरोपमा उनकी पत्नी अल्का शाक्य र भान्जी प्रभा शाक्यविरुद्ध पनि मुद्दा चलाएको छ ।