डिल्लीबजार मालपोतका ६ जना कर्मचारी घूससहित पक्राउ- समाचार - कान्तिपुर समाचार
कान्तिपुर वेबसाईट
AdvertisementAdvertisement

डिल्लीबजार मालपोतका ६ जना कर्मचारी घूससहित पक्राउ

कान्तिपुर संवाददाता

काठमाडौँ — अख्तियार दुरुपयोग अनुसन्धान आयोगले मालपोत कार्यालय डिल्लीबजारका ६ जना कर्मचारीलाई घूससहित पक्राउ गरेको छ ।

मंगलबार अपरान्ह उनीहरु घुससहित पक्राउ परेको आयोगका प्रवक्ता प्रदीप कोइरालाले जानकारी दिए । उनीहरुबाट ८ लाख ५० हजार रुपैयाँ बरामद गरिएको प्रवक्ता कोइरालाले बताए ।

पक्राउ पर्नेहरुमा मालपोल अधिकृत रघुवंश कँडेल, नायब सुब्बा उद्धव सापकोटा, र गोपाल खड्का खरिदार दीपक खनाल, नवराज घिमिरे, नारायप्रसाद पोखरेल रहेका छन् ।

लकडाउनका कारण लामो समय बन्द रहेका देशभरका मालपोत कार्यालयहरु आइतबारदेखि खुलेका थिए ।

प्रकाशित : असार ३, २०७७ ०८:०२
प्रतिक्रिया
पठाउनुहोस्

ताप्लेजुङमा पहिरोले स्कुल बगायो

आनन्द गौतम

ताप्लेजुङ — मंगलबार रातिको पहिरोले ताप्लेजुङको फक्ताङलुङ गाउँपालिका–४ इखावुमा एउटा विद्यालयको भवन बगाएको छ । पहिरोले स्थानीयका चाैपाया पनि बगाएको छ भने करिब २० घरको मकबाली बगाएको रानी आधारभूत विद्यालयका प्रधानाध्यापक प्रेम खतिवडाले बताए । 

खतिवडाका अनुसार इखावु साविक १ रेञ्जीङ तामाङको घर छेउबाट सुरु भएको पहिरोले रानी आधारभूत विद्यालयको चार कोठे पक्की भवन बगाएको छ । खाजाघर र शौचालयसमेत बगाउँदा ६० जोडी डेस्कबेन्च, विद्यार्थीलाई खाजा पकाउने भाँडाकुँडा, थाल, बटुका लगायतका सबै सामान बगाएको छ ।

भक्तबहादुरको भान्साघर बगाउनुका साथै सुँगुर पुरेको छ भने फुलबहादुर तामाङको बाख्राको गोठ पुरेको पहिरो गएको ठाउँमा रहेका खतिवडाले बताए । बेलुका ६ बजेदेखि यो ठाउँमा वर्षा भएको थियो । आज (बुधबार) बिहानको मौसम भने सफा रहेको छ । वर्षा रोकिएको छ ।

पहिरोको छेउमा घर उभिएकाले वर्षाको समयमा बस्ने वातावरण नभएको खतिवडाले बताए । गाउँपालिकाले जनप्रतिनिधि र प्रहरीलाईसमेत जानका लागि अनुरोध गरेको गाउँपालिका अध्यक्ष सरोज एभेङले बताए । दुई वर्षअघि पनि यो क्षेत्रमा पहिरोले क्षति पुर्‍यएको थियो ।

प्रकाशित : असार ३, २०७७ ०७:५८
पूरा पढ्नुहोस्
प्रतिक्रिया
पठाउनुहोस्
x
×