दुई बालबालिकासहित थप १३ जनामा कोरोना संक्रमण, संक्रमितको संख्या १८ सय ११ पुग्यो

कान्तिपुर संवाददाता

काठमाडौँ — दुई बालबालिकासहित १३ जना कोरोना संक्रमित थपिएका छन् । प्रादेशिक जनस्वास्थ्य प्रयोगशाला रुपन्देहीमा सोमबार गरिएको परीक्षणमा १३ जनामा संक्रमण पुष्टि भएको स्वास्थ्य तथा जनसंख्या मन्त्रालयका सहप्रवक्ता डा समीरकुमार अधिकारीले विज्ञप्तिमार्फत जानकारी गराएका छन् । 

उनका अनुसार संक्रमित हुनेमा नवलपरासी सरावल गाउँपालिकाका ६ वर्षीय बालक, गडहवा गाउँपालिका रुपन्देहीका ३ वर्षीया बालिका, ५४ वर्षीय पुरुष, मायादेवी गाउँपालिका कपिलवस्तुका ७ पुरुष (१९ देखि ४० वर्ष), निस्दी गाउँपालिका पाल्पाका २ पुरुष (१७ देखि ३६ वर्ष) र गुल्मी रेसुंगा नगरपालिकाका २६ वर्षीय पुरुष रहेका छन् ।

थप १३ जनामा संक्रमण पुष्टि भएसँगै नेपालमा कोरोना संक्रमितसंक्रमितको संख्या १८ सय ११ पुगेको मन्त्रालयले जनाएको छ ।

मन्त्रालयको विज्ञप्ति



प्रकाशित : जेष्ठ १९, २०७७ १८:५८
प्रतिक्रिया
पठाउनुहोस्

गड्डाचौकी नाकाबाट सोमबार साढे १३ सय भित्रिए

भवानी भट्ट

कञ्चनपुर — कञ्चनपुरको गड्डाचौकी नाकाबाट सोमबार १३ सय ५३ जना भित्रिएका छन् । जिल्ला प्रशासन कार्यालयका अनुसार दशगजामा पुगेका सबैलाई भित्र्याएर आ–आफ्नो स्थानीय तहमा पठाइएको छ ।

सहायक प्रमुख जिल्ला अधिकारी गोकर्णप्रसाद उपाध्यायले बिहानैदेखि दशगजामा पुगेका सबैलाई भित्र्याएर सम्बन्धित जिल्लातर्फ पठाइएको बताए । उनका अनुसार नेपालमा रहेका २२० जना भारतीय नागरिकहरुलाई पनि भारततर्फ पठाइएको छ । बिहानको समयमा वर्षा भएका कारण दशगजामा भित्रिनेहरुलाई निकै समस्या भइरहेको थियो ।

आइतबारको तुलनामा यो नाकाबाट आउनेको संख्या कम भएको छ । आइतबार ३ हजार ५८ जना भित्रिएका थिए ।

प्रकाशित : जेष्ठ १९, २०७७ १८:४२
पूरा पढ्नुहोस्
प्रतिक्रिया
पठाउनुहोस्
×