नेपालमा कोरोना संक्रमितको संख्या ५८४ पुग्यो 

कान्तिपुर संवाददाता

काठमाडौँ — नेपालमा कोरोना संक्रमितको संख्या ५८४ पुगेको छ । स्वास्थ्य तथा जनसंख्या मन्त्रालयले शनिबार दिउँसो थप ३६ जनामा कोरोना संक्रमण पुष्टि भएको जनाएको हो । 

मन्त्रालयले आयोजना गरेको नियमित मिडिया ब्रिफिङमा प्रवक्ता डा विकास देवकोटाले संक्रमित हुनेमा बैतडीका ४, झापाका १, बाँकेका २७, बर्दियाका १ र सुर्खेतमा ३ जनामा संक्रमण देखिएको बताए ।

शनिबार बिहान थप ३२ जनामा संक्रमण पुष्टि भएको थियो । मन्त्रालयका अनुसार शनिबारसम्म नेपालमा आरडीटी विधिबाट ८६ हजार २ सय ३५ नमुना परीक्षण भएका छन् । पीसीआर विधिबाट भने हालसम्म ४५ हजार ९ सय ५७ परीक्षणहरु गरिएका छन् ।


प्रकाशित : जेष्ठ १०, २०७७ १६:३१
ADVERTISEMENT
प्रतिक्रिया
पठाउनुहोस्
ADVERTISEMENT

चामलमा १० प्रतिशत छुट

राजबहादुर शाही

मुगु — लकडाउनका कारण विपन्न परिवारमा खाद्यान्न समस्या हुन थालेपछि  खाद्य व्यवस्था तथा व्यापार कम्पनीले मुगुमा १० प्रतिशत छुट दिइ चामल बिक्री गरिरहेको छ ।

कम्पनीका अनुसार यसअघि १ हजार ८ सय ६० मा बिक्री भइरहेको ३० किलोको जिरा मसिनो चामल १ हजार ६ सय ७४ रुपैयाँमा बिक्री भइरहेको हो । बजारमा अभाव देखिएपछि छुट दिइ चामल बिक्री गरिरहेको कम्पनीका निमित्त प्रमुख पुष्कर भामले बताए । ‘बजारमा अभाव देखिएपछि खाद्यान्नको मुल्यबृद्धि हुन थाल्यो,’ उनले भने, ‘विपन्न परिवारलाई समस्या नहोस् भनेर छुटमा चामल बिक्री गरिरहेका हौं ।’

त्यस्तै १ हजार ५ सय ७५ मा बिक्री हुने ३० किलोको एक बोरा चामललाई १ हजार ४ सय १७ रुपैयाँमा बेच्न थालिएको छ । लकडाउनको अवधिमा झण्डै ७ सय क्विन्टल चामल बिक्री भएको कम्पनीले जनाएको छ । राहत वितरणका लागि स्थानीय तह र विभिन्‍न संघसंस्थाले १५ सय क्‍विन्टल चामल लिएको निमित्त प्रमुख भामले जानकारी दिए । लकडाउनका कारण ढुवानीमा समस्या देखिए पनि मौज्दात चामलले भदौ महिनासम्म पुग्‍ने उनको अनुमान छ ।

कम्पनीको गोदाममा अहिले २ हजार ९ सय क्‍विन्टल चामल मौज्दात छ । चालू आर्थिक वर्षमा मुगुका लागि १० हजार क्‍विन्टल चामलको कोटा स्वीकृत भएको छ । जसमध्ये ८ हजार क्‍विन्टल ढुवानी भइसकेको छ ।

प्रकाशित : जेष्ठ १०, २०७७ १६:१४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×