बाँकेका २१ जना संक्रमित शुक्रबार डिस्चार्ज हुँदै

दोस्रो पटक पनि कोरोना जाँच गर्दा नेगेटिभ नतिजा आएपछि उनीहरुलाई शुक्रबार घर पठाउने तयारी गरिएको डा. विनोद डंगोलले बताए ।

डिस्चार्ज हुनेमा पहिलो पटक संक्रमित भएका ६० वर्षीय वृद्ध पनि छन् । उनीहरु सबै नेपालगन्ज उपमहानगरपालिका–८ अन्सारी टोलका रहेको डा. डंगोलले जानकारी दिए । आइसोलेसनबाट डिस्चार्ज हुने खबरले सबै उत्साहित छन् ।

घर जाने खुसीमा ३७ वर्षीय व्यक्तिले कोरोना संक्रमण र आइसोलेसनको अनुभवबारे फोनमा कान्तिपुरसँग भने, ‘आइसोलेसनमा बस्नु भनेको आफू पनि सुरक्षित हुनु र अरुलाई पनि बचाउनु रहेछ । घर फर्किन पाउने भएकाले ठूलै युद्ध जिते जस्तै महसुस गरेको छु ।’