आरोग्य प्रतिष्ठानमा कार्यरत महिलामा कोरोना पोजिटिभ देखिएपछि प्रतिष्ठानसँगै निदान अस्पताल पनि सिल

तस्बिर : हेमन्त श्रेष्ठ

काठमाडौँ — ललितपुरको आरोग्य प्रतिष्ठानमा कार्यरत एक महिला कर्मचारीमा कोरोना पोजिटिभ देखिएपछि प्रतिष्ठानसहित निदान अस्पताललाई पनि सिल गरिएको छ ।

मंगलबार कोरोना पोजिटिभ देखिएकी महिला तराइको जिल्लाबाट काठमाडौं आएको र प्रतिष्ठानको काममा फर्कनु पूर्व शुक्रराज ट्रपिकल तथा सरुवा रोग अस्पतालमा पीसीआर परीक्षण गर्न लगिएको थियो । उनलाई प्रतिष्ठानकै ड्राइभर र अर्का एक कर्मचारीले टेकुस्थित अस्पतालमा प्रतिष्ठानको एम्बुलेन्समा राखेर लगेका थिए ।

तस्बिरहरू: हेमन्त श्रेष्ठ/कान्तिपुर

प्रतिष्ठानमा मिर्गौला फेल भएका बिरामीहरुको डायलासिस हुने गर्छ । सो प्रतिष्ठान निदान अस्पतालकै प्रांगणमा अवस्थित छ । परीक्षण गराएर फर्किएपछि ड्राइभर र अर्का एक कर्मचारी प्रतिष्ठानको नियमित काममा खटिएको कारण उक्त क्षेत्रलाई सावधानीका लागि सिल गरिएको हो ।

महानगरीय प्रहरी परिसर ललितपुर स्रोतका अनुसार राष्ट्रिय जनस्वास्थ्य प्रयोगशालाको टोली अहिले प्रतिष्ठान पुगेर ड्राइभर र कर्मचारीको सम्पर्कमा आएका प्रतिष्ठान र अस्पतालका विभिन्न कर्मचारीहरुको स्वाब लिँदैछ ।

यस्तै ड्राइभरको सम्पर्कमा आएका र सो एम्बुलेन्स प्रयोग गरिएकाहरुलाई पनि सेल्फ आइसोलेसनमा बस्न अनुरोध गरिएको एक चिकित्सकले जानकारी दिए ।

प्रकाशित : वैशाख ३१, २०७७ १२:४८
प्रतिक्रिया
पठाउनुहोस्

दुई दिनदेखि बसमै बास [तस्बिरहरु]

तस्बिर : हेमन्त श्रेष्ठ

काठमाडौँ — उदयपुर जान लागेका ५० जना यात्रुलाई दुई दिनदेखि बालकुमारीमा रोकिएर राखिएको छ । घर जान नपाएपछि उनीहरु अलपत्र परेका छन् ।

बेलका नगरपालिकाले उनीहरुलाई लिनका सिफारिस पत्र सहित आफ्‍ना नगरवासी लिनका लागि गाडी पठाएको थियो । तर, काठमाडौं जिल्ला प्रशासन कार्यालयले उनीहरुलाई अनुमति नदिएर दुईदिनदेखि त्यतिकै रोकेर राखेको छ । मंगलबार बिहानदेखि उनीहरु बालकुमारीमा रोकिएको बसमै बास बसिरहेका छन् ।

६ जना बालबालिकासहित ५० जनाको हारहारीमा रहेका उनीहरु दुई दिनदेखि भोकै छन् । बसमा रहेका यात्रु महेन्द्र गिरीले भने,'हामी दुई दिनदेखि यही बसमा चाउचाउ र पानी खाएर बसमा छौं । कतिबेला घर जान दिन्छ भन्‍ने टुंगो छैन । हामी विचल्लीमा परेका छौं । हामीलाई घर फर्कने वातावरण बनाइदिनुहोस् ।'


प्रकाशित : वैशाख १७, २०७७ २१:३७
पूरा पढ्नुहोस्
प्रतिक्रिया
पठाउनुहोस्
×