शनिबार बस्ने सचिवालय बैठक अगाडि प्रधानमन्त्री एवं नेकपा अध्यक्ष केपी शर्मा ओलीले पार्टीका शीर्ष नेतासँग नियमित संवाद गरेका छन् । भेटका विवरणहरु सार्वजनिक नभए पनि नेकपामा विकसित राजनीति घटनाक्रमसँगै प्रधानमन्त्री ओलीले थालेका संवाद अर्थपूर्ण छन् ।
उदयपुरको त्रियुगा नगरपालिका-३ भुल्केका १३ जना संक्रमितको थ्रोट स्वाब शुक्रबार संकलन गरिएको छ । विराटनगरस्थित कोसी अस्पतालको कोभिड १९ उपचार केन्द्रको आइसोलेसनमा उनीहरु १५ दिनदेखि बस्दै आएका थिए । यो स्वाब परीक्षणमा संक्रमण नदेखिए २४ घण्टापछि पुनः स्वाब परीक्षण गरिनेछ । दोस्रो पटकको स्वाब परीक्षणमा पनि संक्रमण नदेखिए उनीहरुलाई डिस्चार्ज गरिनेछ ।
महोत्तरीका २ बस्तीमा ४ दिनमै ८ जनाको मृत्यु भएको छ । भंगाहा-७ स्थित मेघनाथ गोरहन्ना र बर्दिवास नगरपालिका-१२ का स्थानीयको मृत्यु भएको हो । उनीहरुमा अचानक पेट दुख्ने, झाडापखाला लाग्ने र बान्ता हुने लक्षण देखापरेको स्थानीयले बताएका छन् । कतिपय राति सुतेको अवस्थामा बिहान मृत भेटिएका थिए ।
अमेरिकी सहयोग मिलेनियम च्यालेन्ज कर्पोरेसन सम्झौता (एमसीसी) बारे अध्ययन गर्न गठित नेकपाको कार्यदलले एमसीसी सहायता सामान्य दुईपक्षीय अनुदान नभई अमेरिकाको विश्वव्यापी रणनीति र कार्यक्रमअन्तर्गत रहेको निष्कर्ष निकालेको छ ।
दुई विवादास्पद अध्यादेशबाट सुरु भएको नेकपाभित्रको शक्ति संघर्ष बुधबार साँझसम्म आउँदा प्रधानमन्त्री केपी शर्मा ओलीको नयाँ प्रस्तावसँगै नयाँ अध्यायमा प्रवेश गरेको छ ।
सरकार मातहत कुनै एक निकायमा पदाधिकारी रिक्त हुनु त्यत्ति अनौठो होइन । तर, आदिवासी जनजाति उत्थान राष्ट्रिय प्रतिष्ठानमा पदाधिकारी रिक्त भएसँगै सरकारले प्रतिष्ठान खारेज गर्ने हो कि भन्ने आशंका उब्जिएको छ ।
पार्टी भित्र विवाद बढेपछि सत्तारुढ नेकपाले गठन गरेको एमसीसी कार्यदल प्रतिवेदनमा परराष्ट्रमन्त्री एवं स्थायी कमिटी सदस्य प्रदीप ज्ञवालीले १५ बुँदे फरक मत राखेका छन् ।
सरस्वती क्याम्पस काठमाडौंले सञ्चालन गरेको अनलाइन कक्षामा गोरखा लाप्राककी विश्व गुरुङ ४ सातादेखि पढिरहेकी छिन् । स्नातकोत्तर तहमा जुमको माध्ममबाट कक्षा सञ्चालन गरिएको छ । इन्टरनेटका कारण भिडियो कक्षामा उपस्थित हुन नसके पनि गुरुङ अडियो सुन्नमात्रै पनि सहभागी हुन्छिन् ।
अमेरिकी सहयोग मिलेनियम च्यालेन्ज कर्पोरेसन सम्झौता (एमसीसी) बारे अध्ययन गर्न गठित नेकपाको कार्यदलले एमसीसी सहायता सामान्य दुईपक्षीय अनुदान नभई अमेरिकाको विश्वव्यापी रणनीति र कार्यक्रमअन्तर्गत रहेको निष्कर्ष निकालेको छ ।
सरकारले लकडाउन गरेको चार सातापछि स्वर्गद्वारी नगरपालिका–२ खालका सयौं मजदुर घर फर्किए । भक्तपुरको इँटा उद्योगमा काम गरेर फर्किएका उनीहरुलाई स्थानीय विद्यालयमा राखिएको छ ।
अमेरिकी सहयोग मिलिनियम च्यालेञ्ज कपोरेशन सम्झौता (एमसीसी)बारे पार्टीभित्रै विवाद भएपछि सत्तारुढ नेकपाले गठन गरेको एमसीसी अध्ययन कार्यदलले यससँग जोडिएका ११ प्रावधानहरुको समीक्षा गर्न सुझाव दिएको छ । पार्टीका वरिष्ठ नेता झलनाथ खनाल नेतृत्वको कार्यदलले तयार पारेको प्रतिवेदनमा कैयौं विषय स्पष्ट गर्नुपर्ने गरी सच्याउनुपर्ने उल्लेख छ ।
नेपालमा कोरोना भाइरसबाट संक्रमित हुनेको संख्या ५९ पुगेको छ । शुक्रबार रुपन्देहीका २५ वर्षीय र बाँकेका ६० वर्षीय पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयका सह–प्रवक्ता डा. समिरकुमार अधिकारीले जानकारी दिएका छन् ।
कोरोना भाइरस (कोभिड- १९) को संक्रमण फैलिन नदिन सरकारले समयमा नै सचेतता अपनाएकाले महामारीको रुप नलिएको स्वास्थ्य तथा जनसंख्यामन्त्री भानुभक्त ढकालले दाबी गरेका छन् ।
संसदीय समितिले प्रत्येक परिवारका कम्तीमा एकजना सदस्यको कोरोना भाइरस संक्रमण भए/नभएको परीक्षणको व्यवस्था मिलाउन सरकारलाई निर्देशन दिएको छ । राष्ट्रिय सभाअन्तर्गतको विधायन व्यवस्थापन समितिले शुक्रबार स्वास्थ्य तथा जनसंख्यामन्त्री भानुभक्त ढकाललाई कोभिड- १९ परीक्षणको दायरा बढाएर प्रत्येक परिवारसम्म पुग्न निर्देशन दिएको हो ।
संसद्को प्रमुख प्रतिपक्ष कांग्रेसले बिहीबार रोल्पामा भएको बम विस्फोटको घटनाको गम्भीर अनुसन्धानको माग गरेको छ । चार जना बालबालिकाको ज्यान जाने गरी रोल्पाको त्रिवेणी गाउँपालिकामा भएको घटनाका दोषीलाई कारबाही गर्न पनि कांग्रेसले माग गरेको छ ।
कोरोना महामारी र लकडाउनका कारण बन्द हुन पुगेका उद्योग–प्रतिष्ठानले कामदार कटौती गर्न थालेका छन् । अधिकांशले चैत महिनाको तलबसमेत भुक्तानी गरेका छैनन् । संयुक्त ट्रेड युनियन समन्वय केन्द्रका अनुसार उद्योग, प्रतिष्ठान, होटल–रेस्टुराँ, यातायातलगायत क्षेत्रमा रोजगारी कटौती गरी कामदार निष्कासन गर्ने क्रम तीव्र छ ।
कांग्रेस सभापति तथा पूर्वप्रधानमन्त्री शेरबहादुर देउवाले लकडाउनका कारण कष्टकर जीवन बिताउन बाध्य श्रमिकहरुलाई अविलम्ब राहतको व्यवस्था गर्न सरकारसँग आग्रह गरेका छन् ।
नेकपा अध्यक्ष पुष्पकमल दाहालले कोरोनाका कारण प्रभावित श्रमजीवी वर्गलाई विशेष राहत प्याकेज ल्याउन सरकारको ध्यानाकर्षण गराएका छन् । १३१औं अन्तर्राष्ट्रिय श्रमिक दिवसका अवसरमा शुक्रबार शुभकामना सन्देश जारी गर्दै उनले दैनिक ज्यालादारीबाट जीविकोपार्जन गर्नुपर्नेहरूलाई खाद्यान्नलगायत आवश्यक व्यवस्थापन गर्नुपर्नेमा जोड दिएका छन् ।
रेडियो नेपालकी प्रथम गायिका तथा प्रजातन्त्र सेनानी रानुदेवी अधिकारीको ८४ वर्षको उमेरमा निधन भएको छ । सिनमंगलस्थित काठमाडौं मेडिकल कलेजमा बिहीबार राति १०: ५५ मा निधन भएको उनको वृत्तचित्र ‘५६ वर्षपछि...’ बनाएका गायक तथा संगीतकार सुमित खड्काले पुष्टि गरे । उनको बिहीबार राति नै अन्त्येष्टि गरिएको छ ।
प्रधानमन्त्री केपी शर्मा ओलीले आजको अप्ठ्यारो घडीमा सबै जना ट्रेड युनियनझै मिलेर अघि बढ्नुपर्ने बताएका छन् । १३१औं अन्तर्राष्ट्रिय श्रमिक दिवसका अवसरमा सम्बोधन गर्दै प्रधानमन्त्री ओलीले ट्रेड युनियनले आपसी एकता र भर्याङको खुट्किलो बनाउन सिकाएको उल्लेख गर्दै त्यसैलाई अनुशरण गर्दै अघि बढ्नुपर्ने बताएका हुन् ।
नेकपा यति बेला ‘बेमौसमी विवाद’ मा फसेको छ । सबै मिलेर कोभिड–१९ विरुद्ध लड्नुपर्ने बेला सरकारको नेतृत्व गरेको नेकपा ‘पदीय’ विवादमा केन्द्रित देखिन्छ । पाँच वर्ष ढुक्क सरकार चलाउने जनादेश पाएको नेकपाको अहिलेको विवाद कुनै सैद्धान्तिक वा वैचारिक होइन । यो विवाद को प्रधानमन्त्री बन्ने वा रहने विषयबारे छ ।
चितवन राष्ट्रिय निकुञ्जले नारायणी र राप्ती नदीमा गोहीले पारेका दुई सय ५० वटा अन्डा संकलन गरेको छ । घडियाल गोहीले नदी किनारमा बालुवाभित्र गुँड बनाएर अन्डा पार्छ । नदी किनारको बालुवामा घडियाल गोहीले पारेका ति अन्डा संकलन गरिएको हो ।
सत्तारूढ नेकपाको सचिवालय र प्रमुख प्रतिपक्ष कांग्रेसको केन्द्रीय कार्यसमिति बैठक बुधबार करिब एकै समयमा चले । बैठकमा एजेन्डा पनि समान थियो । नेकपाको सचिवालय बैठकको एजेन्डा नै प्रधानमन्त्री केपी शर्मा ओली बनेका थिए । कांग्रेस बैठकमा पनि प्रधानमन्त्री ओलीकै भूमिका र उनले निम्त्याएका पछिल्ला घटनाक्रममाथि छलफल भयो ।
