ब्लड क्यान्सरले मृत्यु भएकी युवतीको पीसीआर परीक्षणमा कोरोना देखिएन
वीरगन्ज — आरडीटी परीक्षणमा तीन पटक एन्टीबडी पोजिटिभ देखिएकी युवतीको पीसीआर परीक्षणमा भने कोरोना नेगेटिभ देखिएको छ । २३ वर्षीया युवतीको आइतबार बिहान वीरगन्जमा मृत्यु भएको थियो । पटकपटकको आरडीटीमा पोजिटिभ देखिएपछि उनको कोरोनाकै कारण मृत्यु भएको आशंका गरिएको थियो ।
तराई रिसर्च अस्पताल र नारायणी अस्पतालमा उनको आरडीटी परीक्षण गरिएको थियो । नारायणी अस्पतालका चिकित्सक निरज सिंहका अनुसार हेटौंडामा गरिएको पीसीआर परीक्षणमा कोरोना नेगेटिभ देखिएको हो ।
प्रकाशित : वैशाख १४, २०७७ १७:२३