रुकुमका २ जनामा कोरोना संक्रमणको आशंका, स्वाब काठमाडौं पठाउन पत्राचार- समाचार - कान्तिपुर समाचार

रुकुमका २ जनामा कोरोना संक्रमणको आशंका, स्वाब काठमाडौं पठाउन पत्राचार

चित्रांग थापा

धनगढी — धनगढीस्थित जनस्वास्थ्य प्रयोगशालामा गरिएको पीसीआर परीक्षणमा कोरोना संक्रमणको आशंका भएपछि रुकुमका दुई युवाको स्वाब थप परीक्षणका लागि काठमाडौं पठाइने भएको छ ।

कर्णाली प्रदेश, रुकुमका २ जनाको सुदूपश्चिम स्वास्थ्य निर्देशनालयको जनस्वास्थ्य प्रयोगशालामा गरिएको पीसीआर परीक्षणकाे रिपोर्ट पोजिटिभ देखिएको जानकारी आएको क्षेत्रीय स्वास्थ्य निर्देशनालयका निर्देशक डा. गुणराज अवस्थीले बताए ।

‘आधिकारीक रुपमा भन्न सकिँदैन, मैले जानकारीसम्म पाएको हुँ,’ उनले भने, ‘यसबारे मन्त्रालयका प्रवक्ताबाट आधिकारिक धारणा सार्वजनिक होला ।’

डा. अवस्थीका अनुसार कर्णाली प्रदेशमा पीसीआर परिक्षण सुविधा नभएका कारण त्यहाँ संकलन गएिको स्वाब परीक्षणका लागि धनगढीस्थित जनस्वास्थ्य प्रयोगशालामा आउने गरेको हो । शंकास्पद दुवैजनाको नमुना मंगलबार धनगढी आइपुगेको पनि उनले बताए ।

जनस्वास्थ्य प्रयोगशाला धनगढीले कर्णाली प्रदेशको क्षेत्रीय स्वास्थ्य निर्देशनालयलाई स्वाब संकलन गरेर काठमाडौं पठाउनका लागि पत्राचार गरेको सामाजिक विकास मन्त्रालयको स्वास्थ्य महाशाखा प्रमुख एवं कोरोना फोकल पर्सन नरेन्द्रसिंह कार्कीले बताए

प्रकाशित : वैशाख ४, २०७७ १७:२९
प्रतिक्रिया
पठाउनुहोस्

र्‍यापिड परीक्षण विधि र मापदण्डबारे आज निर्णय हुने

चित्रांग थापा

धनगढी — कोरोना भाइरसको उच्च जोखिममा रहेको सुदूरपश्चिमका कैलाली र कञ्चनपुरसमेत बागलुङमा सुरु गरिने भनिएको र्‍यापिड परीक्षण सुरु गर्ने  विषयमा आइतबार विज्ञहरुको टोलीले विधि र मापदण्ड निर्धारण गर्ने भएको छ ।

‘अहिले स्वास्थ्य सेवा विभागमा यसबारे विज्ञहरुको उच्चस्तरिय बैठक बसिरहेको छ’ सुदूरपश्चिम क्षेत्रीय स्वास्थ्य निर्देशक डा. गुणराज अवस्थीले भने, ‘बैठकको सुझावअनुसार र्‍यापिड परीक्षण सुरु हुने विभागबाट जानकारी प्राप्त भएको हो ।’ यो प्रक्रियाअन्तर्गत विभिन्न जिल्लाका क्वारेन्टाइन र घरमै सेल्फ क्वारेन्टाइनमा रहेका शंकास्पद व्यक्तिहरुको स्वाब संकलन गरेर परीक्षण गरिने उनले जानकारी दिए ।

दक्ष स्वास्थ्यकर्मीको टोली खटाएर शंकास्पद व्यक्तिहरुको स्वाब संकलन गरी प्रयोगशाला भएको ठाउँमा पुर्‍याएर परीक्षण गरिने डा. अवस्थीले बताए । ‘भारतबाट आएका हजारौं व्यक्तिहरुको परीक्षण गर्न सम्भव देखिदैन, वर्ष दिन बढी लाग्न सक्छ’ उनले भने, ‘अहिलेको अवस्थामा पनि परीक्षण गर्न प्रयोगशाला प्रयाप्त छैन ।’

उनका अनुसार गत बिहीबारदेखि धनगढीको सेती प्रादेशिक अस्पतालमा सञ्चालन भएको प्रयोगशालामा दैनिक १० जनाको मात्र परीक्षण गर्न सक्ने क्षमता रहेको बताए । ‘बिहानैदेखि साँझसम्म काम गर्दा पनि १० भन्दा बढीको परीक्षण हुन सक्दैन,’ उनले भने । उनले हाल सेती अस्पतालमा विशेषज्ञ ४ जनासहित अस्पतालका ल्याब टेक्निसियनहरुको टोली परीक्षणमा संलग्न रहेको उनले बताए ।

क्षेत्रीय निर्देशक डा. अवस्थीले २ साता क्वारेन्टाइनमा रहेका र कुनै प्रकारको कोरोना संक्रमणको लक्षण नदेखिएकाहरुलाइ घर फिर्ता पठाउने विश्वव्यापी मापदण्ड रहेको बताए । ‘विश्व स्वास्थ्य संगठनको गाइडलाइन पनि यही हो’ उनले भने ।

प्रकाशित : चैत्र २३, २०७६ १३:०२
पूरा पढ्नुहोस्
प्रतिक्रिया
पठाउनुहोस्
×