१६.१२°C काठमाडौं
काठमाडौंमा वायुको गुणस्तर: १५२

र्‍यापिड परीक्षण विधि र मापदण्डबारे आज निर्णय हुने

चित्रांग थापा

धनगढी — कोरोना भाइरसको उच्च जोखिममा रहेको सुदूरपश्चिमका कैलाली र कञ्चनपुरसमेत बागलुङमा सुरु गरिने भनिएको र्‍यापिड परीक्षण सुरु गर्ने  विषयमा आइतबार विज्ञहरुको टोलीले विधि र मापदण्ड निर्धारण गर्ने भएको छ ।

र्‍यापिड परीक्षण विधि र मापदण्डबारे आज निर्णय हुने

‘अहिले स्वास्थ्य सेवा विभागमा यसबारे विज्ञहरुको उच्चस्तरिय बैठक बसिरहेको छ’ सुदूरपश्चिम क्षेत्रीय स्वास्थ्य निर्देशक डा. गुणराज अवस्थीले भने, ‘बैठकको सुझावअनुसार र्‍यापिड परीक्षण सुरु हुने विभागबाट जानकारी प्राप्त भएको हो ।’ यो प्रक्रियाअन्तर्गत विभिन्न जिल्लाका क्वारेन्टाइन र घरमै सेल्फ क्वारेन्टाइनमा रहेका शंकास्पद व्यक्तिहरुको स्वाब संकलन गरेर परीक्षण गरिने उनले जानकारी दिए ।


दक्ष स्वास्थ्यकर्मीको टोली खटाएर शंकास्पद व्यक्तिहरुको स्वाब संकलन गरी प्रयोगशाला भएको ठाउँमा पुर्‍याएर परीक्षण गरिने डा. अवस्थीले बताए । ‘भारतबाट आएका हजारौं व्यक्तिहरुको परीक्षण गर्न सम्भव देखिदैन, वर्ष दिन बढी लाग्न सक्छ’ उनले भने, ‘अहिलेको अवस्थामा पनि परीक्षण गर्न प्रयोगशाला प्रयाप्त छैन ।’


उनका अनुसार गत बिहीबारदेखि धनगढीको सेती प्रादेशिक अस्पतालमा सञ्चालन भएको प्रयोगशालामा दैनिक १० जनाको मात्र परीक्षण गर्न सक्ने क्षमता रहेको बताए । ‘बिहानैदेखि साँझसम्म काम गर्दा पनि १० भन्दा बढीको परीक्षण हुन सक्दैन,’ उनले भने । उनले हाल सेती अस्पतालमा विशेषज्ञ ४ जनासहित अस्पतालका ल्याब टेक्निसियनहरुको टोली परीक्षणमा संलग्न रहेको उनले बताए ।


क्षेत्रीय निर्देशक डा. अवस्थीले २ साता क्वारेन्टाइनमा रहेका र कुनै प्रकारको कोरोना संक्रमणको लक्षण नदेखिएकाहरुलाइ घर फिर्ता पठाउने विश्वव्यापी मापदण्ड रहेको बताए । ‘विश्व स्वास्थ्य संगठनको गाइडलाइन पनि यही हो’ उनले भने ।

प्रकाशित : चैत्र २३, २०७६ १३:०२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?