नेपाल-भारत सीमा नखुल्ने, दुवैतिर अलपत्र परेकालाई खानेबस्ने व्यवस्था मिलाइने
काठमाडौँ — सरकारले सीमानाका नखोल्ने निर्णय गरेको छ । भारतीय सीमा अड्किएका नेपालीलाई भारत सरकारले र नेपालमा अड्किएका भारतीयहरुलाई नेपाल सरकारले खानालगायतका अन्य आवश्यक व्यवस्था गर्ने निर्णय भएको हो ।
सरकारले कूटनीतिक पहल गरेर प्रधानमन्त्रीस्तरबाट यो निर्णय भएको प्रधानमन्त्री केपी शर्मा ओलीका परराष्ट्र सल्लाहकार राजन भट्टराईले जानकारी दिए ।
नेपाल छिर्न नपाएर भारतीय सीमामा अड्किएका नेपालीहरुलाई सीमानामै राख्ने र उनीहरुलाई खानाको व्यवस्था भारत सरकारले गर्ने गरी व्यवस्था मिलाइएको भट्टराईले कान्तिपुरलाई बताए । यस्तै नेपालमा अलपत्र परेका भारतीय नागरिकहरुको व्यवस्थापन र उनीहरुलाई खानाको नेपाल सरकारले गर्ने निर्णय भएको हो ।
प्रकाशित : चैत्र १८, २०७६ १५:२९प्रतिक्रिया