यूएन मिसनमा खटिएका एक सैनिकको हृदयघातबाट मृत्यु 

कान्तिपुर संवाददाता

काठमाडौँ — संयुक्त राष्ट्र संघ (यूएन) शान्ति मिसनको सुरक्षामा खटिएका एक नेपाली सैनिकको हृदयघातका कारण मृत्यु भएको छ । 

सैनिक प्रवक्ता विज्ञानदेव पाण्डेका अनुसार यूएनको सुडान मिसनमा खटिएका प्रमुख सेनानी रिदेश विष्टको मृत्यु भएको हो । विष्टको शव केही दिनमा नेपालमा ल्याइने छ ।


नेपालले यूएन मिसनमा लाखभन्दा बढी सैनिकहरु पठाएर विश्वमा शान्ति स्थापनार्थ काम गर्दै आइरहेको छ । नेपाल सबैभन्दा बढी शान्ति सेना पठाउने मुलुकको सूचीमा चौथो नम्बरमा छ ।


प्रकाशित : चैत्र १७, २०७६ २०:१५
प्रतिक्रिया
पठाउनुहोस्
ADVERTISEMENT
ADVERTISEMENT

आपूर्तिमा सघाउन स्थानीय र प्रहरी प्रशासनलाई महासंघको अनुरोध

कान्तिपुर संवाददाता

काठमाडौँ — उद्योगीहरूले उत्पादन गरेका वस्तु आपूर्तिमा सहयोग गरिदिन नेपाल उद्योग वाणिज्य महासंघले स्थानीय तथा प्रहरी प्रशासनलाई अनुरोध गरेको छ ।

कोभिड–१९ को संक्रमणबाट बच्न सरकारले देशभर लकडाउन घोषणा गरेको अवस्थामा पनि जोखिम मोलेर उद्योगीहरूले उद्योग चलाइरहेका छन् । ती उद्योगीले उत्पादन गरेका वस्तु एकबाट अर्काे जिल्लामा लैजाँदा अनेक समस्या भोग्नुपरेकाले आपूर्तिमा संलग्न उद्योगीलाई सघाइदिन स्थानीय तथा प्रहरी प्रशासनलाई अनुरोध गरिएको महासंघले बताएको छ ।

अत्यावश्यक वस्तु तथा सेवासँग सम्बन्धित उद्योगको उत्पादन बढाई उत्पादित वस्तु निर्बाध रूपमा मुलुकभर पुर्‍याउन सहयोग गरिदिन महासंघले सोमबार जारी गरेको विज्ञप्तिमा जनाइएको छ । सुरक्षका सबै उपाय अवलम्बन गर्दै उत्पादन प्रक्रिया र आपूर्ति व्यवस्थापनमा सहभागी भई अहिलेको कठिन अवस्थामा मुलुकलाई सहयोग गर्न महासंघले सबैलाई अनुरोध गरेको हो ।

प्रकाशित : चैत्र १७, २०७६ २०:०७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×