बुटवलको कोरोना अस्पतालमा मृत्यु भएका व्यक्तिको प्रारम्भिक रिपोर्टमा संक्रमण देखिएन- समाचार - कान्तिपुर समाचार

बुटवलको कोरोना अस्पतालमा मृत्यु भएका व्यक्तिको प्रारम्भिक रिपोर्टमा संक्रमण देखिएन

अतुल मिश्र

काठमाडौँ — बुटवलस्थित कोरोना अस्थायी अस्पतालको आइसोलेसनमा उपचारका क्रममा मृत्यु भएका व्यक्तिमा कोरोना संक्रमण नभएको पाइएको छ । राष्ट्रिय जनस्वास्थ्य प्रयोगशाला टेकु स्रोतका अनुसार ती व्यक्तिको मृत्यु कोरोना संक्रमणले नभएको प्रारम्भिक प्रयोगशाला परीक्षणमा देखिएको छ ।

राष्ट्रिय जनस्वास्थ्य प्रयोगशाला श्रोतका अनुसार थप स्पष्ट हुन ती व्यक्तिको घाँटीको र्‍यालको नमुना दोस्रो पटक परीक्षण गरिने भएको छ ।

गत आइतबार दिउँसो १२ बजे बुटवलस्थित कोरोना अस्थायी अस्पतालको आइसोलेसनमा उपचाररत एक ३४ वर्षीय व्यक्तिको मृत्यु भएको थियो ।

ज्वरो, खोकीको लक्षण देखिएपछि आफैं अस्पताल भर्ना भएका ती व्यक्तिको र्‍यालको नमुना गत आइतबार परीक्षणका लागि राष्ट्रिय जनस्वास्थ्य प्रयोगशाला काठमाडौं ल्याइएको थियो ।

यो पनि

प्रकाशित : चैत्र १७, २०७६ १५:१४
प्रतिक्रिया
पठाउनुहोस्

क्रिकेट खेलाडी संघ नेपाल र एनसीसीएस ग्रुपले ४ लाख ६२ हजार सहयोग गर्ने

नमिता दाहाल

काठमाडौँ — कोभिड–१९ को नियन्त्रणका लागि क्रिकेट खेलाडी संंघ नेपाल(सीपीएएन) र एनसीसीएस ग्रुपले सरकारको कोरोना रोकथाम कोषलाई ४ लाख ६२ हजार रुपैयाँ सहयोग प्रदान गर्ने भएको छ । 

सोमबार एक विज्ञप्ति जारी गर्दै क्रिकेट खेलाडी संंघ नेपालले उक्त जानकारी दिएको हो । यस वर्ष क्रिकेट क्षेत्रमा उत्कृष्ट विशेष पाँच विधा (वर्ष क्रिकेट खेलाडी महिला र पुरुष, वर्ष उदियमान क्रिकेट खेलाडी, वर्ष उत्कृष्ट क्षण र लाइफटाइम अचिभमेन्ट अवार्ड) मा दिने भनेर छुट्याइएको निश्चित रकम हाल कोरोना नियन्त्रणका लागि सहयोग स्वरुप सरकारलाई दिन लागिएको हो । सम्पूर्ण खेलाडीहरुलाई नेतृत्व गर्दै उक्त रकम प्रदान गर्न लागिएको हो ।


त्यस्तै यस कार्यक्रमको अर्को संस्करण आगामी वर्ष (सन् २०२१) आयोजना गरिने समेत विज्ञप्ति मार्फत जानकारी दिइएको छ ।

प्रकाशित : चैत्र १७, २०७६ १५:०५
पूरा पढ्नुहोस्
प्रतिक्रिया
पठाउनुहोस्
×