कर्णालीमा सुरक्षाकर्मीलाई ५० प्रतिशत, स्वास्थ्यकर्मीलाई शतप्रतिशत प्रोत्साहन भत्ता

कलेन्द्र सेजुवाल

(सुर्खेत) — कर्णाली प्रदेश सरकारले कोरोना भाइरस रोकथामको लागि स्थापना गरिएको हेल्थ डेस्क, क्‍वारेन्टाइन र आइसोलेसनमा खटिएका स्वास्थ्यकर्मी र सुरक्षाकर्मीलाई भत्ता दिने निर्णय गरेको छ । 

बिहीबार बसेको मन्त्रिपरिषद बैठकले सुरक्षाकर्मीलाई सुरु तलबको ५० प्रतिशत र स्वास्थ्यकर्मीलाई शतप्रतिशत प्रोत्साहन भत्ता दिने निर्णय गरेको हो ।


सरकारकी प्रवक्ता एवं भूमि व्यवस्था, कृषि तथा सहकारीमन्त्री विमला केसीकाअनुसार सुर्खेतस्थित प्रदेश अस्पताल, जुम्लास्थित कर्णाली स्वास्थ्य विज्ञान प्रतिष्ठान र रुकुम पश्चिमस्थित चौरजहारी सामुदायिक अस्पताललाई आइसोलेसन अस्पतालको रुपमा तोक्ने निर्णय पनि गरिएको छ ।


प्रदेश अस्पताल, कर्णाली स्वास्थ्य विज्ञान प्रतिष्ठानलाई एक–एक करोड र चौरजहारी सामुदायिक अस्पताललाई ५० लाख

सहयोग गर्नुका साथै मन्त्रीको संयोजकत्वमा अस्पताल समन्वय तथा परिचालन समिति गठन गरिएको छ ।

प्रदेश अस्पतालमा सामाजिक विकासमन्त्री दल रावल, प्रतिष्ठानमा आन्तरिक मामिला तथा कानुनमन्त्री नरेश भण्डारी र चौरजहारीमा मन्त्री केसी समितिका संयोजक तोकिएका छन् ।


विकासमन्त्री केसी बैठकले मन्त्रिपरिषदका सदस्यले एक/एक महिनाको तलब कोरोना विपद् कोषमा जम्मा गर्ने निर्णय गर्दै अन्य जनप्रतिनिधि, कर्मचारी, व्यापारी–व्यवसायीलाई समेत सहयोग गर्न अपिल गर्ने निर्णय भएको प्रवक्ता केसीले जानकारी दिइन् ।




प्रकाशित : चैत्र १३, २०७६ २१:४१
ADVERTISEMENT
प्रतिक्रिया
पठाउनुहोस्

फिवर क्लिनिक सञ्‍चालन लागि सरकारले प्रति अस्पताल १० लाख दिने

कान्तिपुर संवाददाता

काठमाडौँ — सरकारले मुलुकभरका लागि हब अस्पतालका लागि छुट्टै फिवर क्लिनिक सञ्चालन गर्न प्रति अस्पताल १० लाख रुपैया उपलब्ध गराएको छ ।

ज्वरो आउने, रुघा लाग्ने जस्ता लक्षण देखिएर कोरोनाका शंकामा जाँचका लागि आएका विरामीलाई राख्नका लागि छुट्टै फिवर क्लिनिक सञ्चालन गर्नुपर्ने बाध्यकारी व्यवस्था गर्दे सरकारले त्यसका लागि प्रति अस्पताल १० लाख रुपैयाँ दिएको हो ।

बिहीबार स्वास्थ्य तथा जनसंख्या मन्त्रालयमा आयोजित पत्रकार सम्मेलनमा सचिव यादव कोइरालाले हब अस्पताललाई छुट्टै फिवर क्लिनिक सञ्चालन गर्नुपर्ने व्यवस्था गर्दै ती अस्पताललाई १० लाख उपलब्ध गराइएको जानकारी दिए । साथै त्यस्ता विरामीको जाँचका लागि सरकारले आफ्नै ढंगको पीपीईको मापदण्ड बनाएको र सोही मापदण्ड अपनाउन भनिएको पनि उनले स्पष्ट पारे ।

उनले भने,'साधारण रुघाखोकी लागेको बिरामीको जाँच गर्नका लागि भनेर पिपीई गाइडलाईन बनाएका छौं र पीपीई गाइडलाईन अनुसार उपचारमा संलग्‍न हुन भनिएको छ ।'

त्यसैगरी सरकारले सबै पालिकालाई विदेशबाट आएका व्यक्तिलाई आफ्नो क्षेत्रमा क्वारेन्टाइनमा राख्‍न निर्देशन दिएको छ । साथै क्‍वारेन्टाइनमा बसेका व्यक्तिमा कोरोना भाइरस संक्रमणको लक्षण देखिएमा तत्काल आईसोलेसनमा राख्‍ने तथा आईसोलेसनमा राखिएकाहरुको स्वास्थ्य गम्भीर बन्न थाल्यो भने स्वाव परीक्षण गर्न पठाउन निर्देशन गरेको छ ।

सचिव यादवले क्वारेन्टाईन र आइसोलेसनमा राख्ने तथा त्यसको सम्पुर्ण रिपोर्ट केन्द्र सरकारलाई गराउने सम्बन्धमा स्पष्ट निर्देशिका बनाएर प्रदेश र स्थानीय सरकारलाई पठाइएको बताए । स्थानीय जनप्रतिनिधिलाई दैनिक क्वारेन्टाइनको अनुगमन गरि संक्रमितको, विदेशबाट आएका र आइसोलेसनमा रहेकाको अवस्थाको जानकारी दैनिक रुपमा गृहमन्त्रालयमा भनिएको उनले स्पष्ट पारे ।

उनले भने,'यदि त्यस्तो किसिमको सिमटम देखिदा स्वासप्रश्वासमा असजिलो भएको छ र सिमटमबाट माथिल्लो स्टेजमा पुगेको छ भने तुरुन्तै स्वाब परीक्षणका लागि केन्द्र वा नजिकको परीक्षण केन्द्रमा पठाउन अनुरोध गरेका छौ । '

विदेशबाट आउँदैमा डराइहाल्नुपर्ने अवस्था नभएको भन्दै उनले सेल्फ क्वारेन्टाइनमा बस्न र कोरोना भाइरसको संक्रमण देखिए तत्काल तोकिएको स्वास्थ्य केन्द्रमा सम्पर्क गर्न आग्रह गरे । उनले अहिले सम्म शंका लागेका ७ सय भन्दा बढी नमुनाको परीक्षण गरिएको र ती मध्ये ३ जनामा मात्रै देखिएको जानकारी दिए ।

प्रकाशित : चैत्र १३, २०७६ २१:००
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×