बाल सुधार गृहमा रहेकी बालिकालाई थुनामुक्त गर्न सर्वोच्चको आदेश 

कान्तिपुर संवाददाता

काठमाडौँ — सर्वोच्च अदालतले बाल सुधार गृह सानोठिमी भक्तपुरमा रहेका एक बालिकालाई थुनामुक्त गर्न आदेश दिएको छ । न्यायाधीशहरु सुष्मालता माथेमा र कुमार रेग्मीको इजलासले ज्यानमुद्दामा ५ वर्ष कैद सजाय पाएकी ती बालिकालाई अविभावकको जिम्मामा छाड्न आदेश गरेको हो ।

आदेशमा भनिएको छ, ‘हाल विश्वव्यापी फैलिएको महामारीलाई मध्यनजर राखी खोजेको बखत उपस्थित गराउने गरी आवश्यक प्रक्रिया पूरा गरी ती बालिकालाई काकाको जिम्मा लगाइदिनु भनी भक्तपुर जिल्ला अदालतलाई लेखी पठाइदिनु ।’


ती बालिका २०७५ साल वैशाख २३ गतेदेखि भक्तपुरको बाल सुधार गृहमा थिइन् । उनलाई जिल्ला अदालत काभ्रेले १० वर्ष कैद सजाय तोकेकोमा उच्च अदालत पाटनले ‘सजाय चर्को पर्न जाने’ भन्दै सजाय घटाएर ५ वर्ष बनाएको थियो ।


प्रकाशित : चैत्र १३, २०७६ २०:३०

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

संकलित ‘स्वाब’ लिन वायुसेवाको विमान नेपालगन्ज जाँदै

कान्तिपुर संवाददाता

काठमाडौँ — भारतका विभिन्‍न नाकाहरुबाट पश्चिम नेपालका गाउँ–शहरमा आइपुगेका र कोरोना संक्रमणको आशंका रहेका सर्वसाधारणको स्वाब(खकार/थुक) संकलन गरी नेपालगन्जबाट काठमाडौं परीक्षणमा ल्याइने भएको छ ।

संस्कृति, पर्यटन तथा नागरिक उड्यन मन्त्रालयले बिहीबार गरेको निर्णयमा ‘नेपालको विभिन्न भूभागमा कोभिड–१९ को संक्रमण भएको शंका लागेका व्यक्तिहरुबाट संकलित गरिएको स्वाब परीक्षणका लागि काठमाडौं ल्याउनुपर्ने भएकाले’ नेपाल वायुसेवाको जहाज नेपालगन्ज पठाउन आवश्यक व्यवस्था गर्न अनुरोध गरिएको छ ।

उड्डयन प्राधिकरणसँगको परामर्श र उडान अनुमतीपछि यसै साता जहाज नेपालगन्ज पठाइने भएको मन्त्रालयका एक अधिकारीले बताए ।

प्रकाशित : चैत्र १३, २०७६ २०:२७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×