लकडाउन उल्लंघन गर्ने १४२ जना पक्राउ, १४ सय १७ सवारी नियन्त्रणमा

मातृका दाहाल

काठमाडौँ — कोभिड–१९ को सम्भावित संक्रमण फैलन नदिन सरकारले लगाएको देशव्यापी लकडाउन उल्लंघन गर्ने क्रम रोकिएको छैन । लकडाउनको तेस्रो दिन बिहीबार ७ वटै प्रदेशबाट १ सय ४२ जना पक्राउ परेका छन् । 

लकडाउनमा बिना अनुमति सवारी चलाउने १ हजार ४ सय १७ चालक कारबाहीमा परेका छन् । अनुमति बिनै गुडेका सवारी साधन प्रहरीले नियन्त्रणमा लिएको छ । प्रहरी प्रधान कार्यालयका अनुसार उपत्यकाबाट १ जना पक्राउ र २ सय ५२ सवारी साधन नियन्त्रणमा लिइएको छ । त्यसैगरी १ नम्बर प्रदेशबाट ५२ जना पक्राउ पर्नुका साथै २ सय ७३ वटा सवारी साधन नियन्त्रणमा लिइएको छ ।


प्रदेश २ मा २ सय ८ सवारी र १६ जना मानिसलाई नियन्त्रणमा लिइएको छ । प्रहरीका अनुसार वागमती प्रदेशमा १५ जना मानिस र १ सवारी साधन नियन्त्रणमा लिइएको छ । गण्डकी प्रदेशबाट प्रहरीले २ सय ७२ सवारी र १ जना सर्वसाधारलाई नियन्त्रणमा लिएको छ ।


५ नम्बर प्रदेशबाट १५ जना मानिस र २ सय १ सवारी, कर्णाली प्रदेशबाट २२ व्यक्ति र ७२ सवारी र सुदूरपश्चिम प्रदेशबाट २१ जना मानिस र १ सय ७७ वटा सवारी साधान नियन्त्रणमा लिइएको छ ।


पक्राउ परेका सबैलाई साँझ सचेत गराएर छाडिएको प्रहरीले जनाएको छ । सवारी साधन भने प्रहरी युनिटमै राखिएको छ । मंगलबार र बुधबारको लकडाउन उल्लंघन गर्ने करिब १५ सय सवारी साधन सहित १ सय भन्दा बढी पक्राउ परेका थिए ।

प्रकाशित : चैत्र १३, २०७६ १८:३४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

रहेनन् तत्कालीन माओवादी नेतालाई सेल्टर दिने जयबहादुर

खर्च अभावमा समयमा भएन मिर्गौला प्रत्यारोपण
सुरेशराज न्यौपाने

नयाँदिल्ली — दस वर्षे सशस्त्र द्‍वन्द्वका बेला तत्कालीन नेकपा (माओवादी) अध्यक्ष पुष्पकमल दाहाललगायत नेतारलाई सेल्टर दिएका जयबहादुर थापाको भारतको राजधानी नयाँदिल्लीमा उपचारको क्रममा निधन भएको छ । ५४ वर्षको उमेरमा थापा विगत दुई वर्षदेखि मिर्गौला रोगबाट पीडित थिए । 

उनको दुवै मिर्गोलाले काम गर्न छाडेपछि नियमित रुपमै डायलसिस गर्दै आएका थिए । चिकित्सकले समयमै मिर्गौला प्रत्यारोपण गर्न सल्लाह गर्न नदिए पनि आर्थिक अभावका कारण प्रत्यारोपण नहुँदा विगत केही महिनायता उनको स्वास्थ्य अवस्था बिग्रँदै गएको थियो । रोगले च्यापेपछि उनलाई दुई दिनअघि दिल्लीको विनायक अस्पतालमा भर्ना गरिएको थियो । उपचारकै क्रममा बिहीबार मध्यान्ह करिब १ बजे उनको निधन भएको अखिल भारत नेपाल एकता मन्चका केन्द्रीय सचिव आरबी खड्काले पुष्टि गरेका छन् । खड्काअनुसार उनको बिहीबार नै दिल्लीकै हैदरपुर घाटमा अन्त्येष्टि गरिएको छ । उनका श्रीमतीसहित तीन छोरी, एक छोरा छन् ।

थापा पूर्वमाओवादीको प्रवास संगठन अखिल भारत नेपाली एकता मन्चको केन्द्रीय सल्लाहकार थिए । माओवादी विद्रोह चरमोत्कर्षमा रहेका बेला पार्टीका अधिकांश उच्च तहका नेताहरु भारतमा प्रवासमा रहेका बेला उनीहरुको बासस्थानदेखि सुरक्षाको जिम्मा थापाकै काँधमा थियो । पुष्पकमल दाहालदेखि बाबुराम भट्टराईलगायत अधिकांश नेताहरुलाई भारतको राजधानी दिल्लीलगायतका ठाउँमा सुरक्षित सेल्टरको व्यवस्था गर्ने जिम्मा थापाकै काँधमै थियो । तर, त्यस्तो निकै चुनौतीपूर्ण समयमा नेताहरुलाई साथ दिएका थापाले रोगविरुद्धको संघर्ष भने कसैबाट पनि साथ पाएनन् ।

यो पनि

प्रकाशित : चैत्र १३, २०७६ १८:२९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×