कान्तिपुर वेबसाईट
AdvertisementAdvertisement

कोरोना रोकथाम कोषमा कांग्रेसले ५० लाख दिने

कान्तिपुर संवाददाता

काठमाडौँ — प्रमुख प्रतिपक्ष नेपाली कांग्रेसले सरकारले कोरोना जोखिमको रोकथामका लागि निर्माण गरेको कोषमा ५० लाख रुपैयाँ दिने भएको छ ।

सरकारले स्थापना गरेको कोषमा पार्टीका तर्फबाट एकमुष्ट रुपमा ५० लाख दिने निर्णय भएको पार्टी प्रवक्ता विश्वप्रकाश शर्माले बताए । कांग्रेसका संघीय सांसदहरुले १५ दिनको तलब यो कोषमा दिने निर्णय यसअघि नै भइसकेको छ ।



प्रकाशित : चैत्र ११, २०७६ १४:५१

प्रतिक्रिया
पठाउनुहोस्

कावासोतीमा लकडाउन अवज्ञा गर्ने १ सय ६१ वटा ट्रक नियन्त्रणमा

कान्तिपुर संवाददाता

नवलपरासी — कोरोना भाइरस ( कोभिड १९) को संक्रमणबाट नागरिक जोगाउन सरकारले मंगलबारदेखि लागू गरेको लकडाउन अवज्ञा गरेको भन्दै प्रहरीले १ सय ६१ वटा ट्रकलाई पूर्वपश्चिम राजमार्ग सडकखण्‍डमा पर्ने कावासोतीमा नियन्‍त्रणमा लिएको छ ।

जिल्ला प्रहरी कार्यालयका एसपी दीपेन्द्र रेग्मीका अनुसार सरकरको आदेश अटेर गरेर कुदाइएका ती ट्रकलाई कावासोतीको राजमार्गमा मै रोकिएको छ । मंगलबार दिउँसो सवा ११ बजेपछि ती ट्रकलाई प्रहरीले नियन्त्रणमा लिएको हो । प्रहरीलाई चालकलाई सचेत गराएर छाड्ने तयारी गरेको छ ।

लकडाउन भएपनि मंगलबार बजार निस्कने र दौडधुप गर्नेको संख्या बाक्लो देखिएको छ । प्रहरीको आग्रहलाई वेवास्ता गर्दै जिल्लामा मोटरसाइकल धेरै कुदिरहेका छन् ।

पूर्व नवलपरासीका प्रमुख जिल्ला अधिकारी पिताम्बर घिमिरेले काम नभइकन सडकमा हिँडेको देखिएको कारबाही गर्ने चेतावनी दिएका छन् ।

लकडाउनसँगै जिल्लाका सडकमा ठूलो संख्यामा प्रहरी खटिएका छन् । उनीहरुले मुखमा मास्क, हातमा पञ्जा लगाएर ड्युटीमा खटिएका हुन् ।

प्रकाशित : चैत्र ११, २०७६ १४:४३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×