तनहुँमा बस दुर्घटना, मृतकको संख्या ३ पुग्यो [अपडेट]

सल्यानका २२ वर्षीय सन्दीप ओली र ४० वर्षीय चूडामणि रेग्मीको मृत्यु भएको हो । अर्का एक मृतकको पहिचान नखुलेको डीएसपी लीलाराज लामिछानेले बताए । पोखराबाट दाङ जाँदै गरेको ना५ख ४२९४ नम्बरको बस करिब एक सय मिटर तल नदी किनारमा खसेको हो ।

दुर्घटनाका घाइतेमध्ये दुईलाई पोखरा र सात जनालाई चितवन मेडिकल कलेज लगिएको छ । अन्यको आँबुखैरेनीस्थित छिम्केश्वरी अस्पतालमा उपचार भइरहेको प्रहरीले जनाएको छ ।