भारतबाट भित्रिएका ५ लाखको ज्वरो मापन, २४ घण्टामा ८७ हजार भित्रिए

मातृका दाहाल

काठमाडौँ — कोरोना भाइरसको संक्रमण भित्रिन नदिन सरकारले सीमा नाकामा हेल्थ डेस्क स्थापना गरेपछि करिब ५ लाखको ज्वरो मापन गरिएको छ ।

सुरक्षा निकायकातर्फबाट गृह मन्त्रालयमा पठाइएको तथ्यांक अनुसार यो अवधिमाा ४ लाख ६७ हजार २ सय ५ जनाको ज्वरो मापन गरिएको छ । यो तथ्यांक आइतबार बिहानसम्मको हो ।


फागुन २५ गतेबाट नेपाल–भारत सीमा नाकामा नेपाल प्रहरी, सशस्त्र प्रहरी र स्वास्थ्यकर्मी सम्मिलित हेल्थ डेस्क स्थापना गरिएको थियो । पछिल्लो एक साता यता भारतबाट स्थलमार्ग हुँदै नेपाल भित्रिनेको चाप हृवात्तै बढेको प्रहरी प्रवक्ता डीआईजी शैलेश थापा क्षेत्रीले बताए ।


नेपाल प्रवेश गर्ने नाकामा सशस्त्र प्रहरीले १ सय ६४ र नेपाल प्रहरीले १ सय २ स्थानमा हेल्थ डेस्क राखेर थर्मल गन मार्फत् ज्वरो मापन गरिरहेका छन् । पछिल्लो २४ घण्टामा मात्रै भारतबाट ८७ हजार मानिस नेपाल प्रवेश गरेका छन् ।

प्रकाशित : चैत्र ९, २०७६ १७:२२
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सेशेल्समा रहेका २ सय नेपाली घर फिर्न चाहन्छन् 

कान्तिपुर संवाददाता

काठमाडौँ — होटल तथा पर्यटन केन्द्रीत पूर्वी अफ्रिकी टापु सेशेल्समा रहेका होटल–रेष्टुरा कोरोना सन्त्रासका कारण बन्द भएपछि त्यहाँ रहेका झण्डै २ सय नेपाली कामदारले जागिर गुमाएका छन् ।

सेशेल्सस्थित गैर आवासीय नेपाली संघका एक प्रतिनिधिका अनुसार पर्यटकमैत्री टापुमा १५ सय नेपाली कामदार रहेकोमा अधिकांस सरकारी तहको सुरक्षित रोजगारीमा रहेका छन् । ‘तर, कोरोना सन्त्रासका कारण पर्यटकीय चहलपहल बन्द भएपछि स्थानीय होटल–रेष्टुरामा कार्यरत झण्डै २ सयजतिको रोजगारी गुमेको छ,’ ती प्रतिनिधिले, ‘उनीहरु नेपाल फर्कन चाहन्छन्, तर उपाय देखिएको छैन ।’

जागिर गुमाउनेमध्ये भारतीय, श्रीलंकन, बंगालादेशीहरु घर फर्किएपनि नेपालीका लागि घर फिर्ने माध्यम नमिलेको ती प्रतिनिधिले जानकारी दिए ।

सेशेल्समा इटालियन, होल्याण्ड र स्थानीयसहित ८ जनामा कोरोना संक्रमणको पुष्टि भइसकेको बताउँदै यही सन्त्रासका कारण रोजगारी गुमेका नेपाली घर फर्कने मनस्थितीमा छन् । उनका अनुसार सेशेल्समा २ सयभन्दा बढी नेपाली प्रहरी, कारागार सुरक्षाकर्मीका रुपमा कार्यरत छन् ।

सेशेल्समा रहेका सबै नेपाली कानूनी हैसियतमा रहेको र कोरोना सन्त्रासको स्थिती साम्य भएपछि फेरि सेसेल्स फर्केर रोजगारीमा जोडिन चाहेको उनले जानकारी दिए ।

प्रकाशित : चैत्र ९, २०७६ १७:०६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×