मन्त्रिपरिषद् बैठकअघि प्रधानमन्त्रीले भेटे राष्ट्रपति 

कान्तिपुर संवाददाता

काठमाडौँ — प्रधानमन्त्री केपी शर्मा ओलीले राष्ट्रपति विद्यादेवी भण्डारीसँग भेटवार्ता गरेका छन् । आइतबार राष्ट्रपति निवास शितल निवास पुगेर प्रधानमन्त्रीओलीले राष्ट्रपति भण्डारीलाई भेटेका हुन् । 

देशको पछिल्लो अवस्थाबारे जानकारी गराउन प्रधानमन्त्री ओलीले राष्ट्रपतिलाई भेटेको प्रधानमन्त्रीका प्रेस सल्लाहकार सूर्य थापाले बताए ।


भेटमा विश्वव्यापी फैलिएको कोरोना भाइरस प्रकोपको रोकथामका लागि सरकारले गरेको तयारीका बारेमा प्रधानमन्त्री ओलीले राष्ट्रपतिलाई जानकारी गराएको सल्लाहकार थापाले बताए ।


दोस्रो पटक मिर्गौला प्रत्यारोपणपछि प्रधानमन्त्री ओलीले पहिलो पटक राष्ट्रपतिलाई भेटेका हुन् । यस्तै, आइतबार नै प्रधानमन्त्री ओलीले मन्त्रिपषिद्को बैठक बोलाएका छन् ।

प्रकाशित : चैत्र ९, २०७६ १५:२४
ADVERTISEMENT
प्रतिक्रिया
पठाउनुहोस्

क्रोएसियामा भूकम्प

रोयटर्स

कोभिड-१९ (कोरोना भाइरस) को संक्रमणसँग जुधिरहेको युरोपको क्रोएसियालाई आइतबार भूकम्प जाँदा एकजना गम्भीर घाइते भएका छन् ।


राजधानी जाग्रिब नजिकै इपिसेन्टर भएको ५.३ म्याग्निच्युडको भूकम्पमा परी एक १५ वर्षीय किशोरको अवस्था गम्भीर छ । भूकम्पमा परी भत्किएको घरको भग्‍नावशेषमा ती किशोर मृत फेला परेका थिए ।

जाग्रिबमा धक्काका कारण केही घरहरु भत्किएका छन् । भूकम्पको धक्का हंगेरी, बोस्‍निया हर्जगोभिनामा पनि महसुस गरिएको थियो ।

क्रोएसियामा हालसम्म कोभिड-१९ का २ सय ६ जना संक्रमित भएका छन् भने एकजनाको मृत्यु भएको छ । कोरोना संक्रमणबाट बच्नका लागि घरभित्र बसिरहेका मानिसहरुलाई भूकम्पको धक्काले तर्साएको राजधानी जाग्रिबका एक बासिन्दाले बताए ।

प्रकाशित : चैत्र ९, २०७६ १५:२२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×