बढी भाडा असुल्ने १७ जना पक्राउ 

मातृका दाहाल

काठमाडौँ — कोरोना भाइरसको महामारी फैलन सक्‍ने त्रासले सर्वसाधरणहरु घर फिर्ती हुन थालेपछि बढी भाडा असुल्‍ने १७ जनालाई प्रहरीले पक्राउ गरेको छ । काठमाडौं, भक्तपुर र ललितपुरका सार्वजनिक यातायातका विभिन्‍न काउन्टरबाट उनीहरुलाई महानगरीय ट्राफिक प्रहरी महाशाखाको टोलीले शनिबार पक्राउ गरेको हो ।


महाशाखाका प्रमुख एसएसपी भीमप्रसाद ढकालका अनुसार डेभिड गुरुङ, कपिल श्रेष्ठ, नरेन्द्र संग्रौला, प्रकाश भट्ट,रमेश खड्का, जारबहादुर गुरुङ, विजय गुरुङ, प्रभुराम राउत, प्रजय राई, विजय तामाङ, नील बुढाथोकी, सञ्जिव भण्डारी, प्रदीप लामा, कृष्ण माझी विनोद ठकुरी, पिन्टु जैसवाल र कमल श्रेष्ठ छन् ।


उनीहरुले टिकट काउन्टरबाट २५ देखि ३० प्रतिशतसम्म बढी भाडा असुलेका थिए । सरकारले १० गतेदेखि अर्को निर्णय नभएसम्मका लागि लामो दूरीमा चल्ने सार्वजनिक यातायात सञ्‍चालनमा रोक लगाएको छ । रोक लाग्‍नुभन्दा अगावै कोरोनाको सम्भावित त्रासले राजधानीबाट घर फर्कने मानिसको चाप ह्वात्तै बढेको छ ।


चापसँगै यात्रु ठगिने सम्भावना औंल्याएर ट्राफिक प्रहरीले सादा पोसाकका जनशक्तिलाई निगरानीका लागि खटाएको थियो । सादा पोसाकमै गएका ट्राफिकले आफैं टिकट काटेर र अडियो/भिडियो रेकर्ड गरी ठगीको सूचना संकलन गरेका थिए ।


पक्राउ परेका सबैलाई राजधानीका विभिन्‍न प्रहरी वृत्तमा ठगी कसुरमा कारबाही गर्न अनुसन्धानका लागि बुझाइएको एसएसपी ढकालले जानकारी दिए ।

प्रकाशित : चैत्र ८, २०७६ २०:१५
प्रतिक्रिया
पठाउनुहोस्

कोरोना भाइरसको त्रास : शनिबार पौने दुई लाखले काठमाडौं छाडे

विमल खतिवडा

काठमाडौँ — कोरोना भाइरस (कोभिड–१९)को सम्भावित जोखिमबाट बच्‍न उपत्यका छाड्‍ने को जमात दैनिक बढ्दो छ । शनिबार सबैभन्दा बढी यात्रु उपत्यकाबाट बाहिरिएका छन् । महानगरिय ट्राफिक प्रहरी महाशाखाका अनुसार शनिबार साँझसम्म एकैदिन १ लाख ८६ हजार ५ सय ४९ यात्रु बाहिरिएका हुन् ।

यही दिन बाहिरिने गाडीको संख्या २७ हजार २ सय ६० रहेको छ । त्यस्तै शनिबार नै ४० हजार १ सय ६३ यात्रुसँगै १४ हजार ५ सय ७४ सवारी साधन काठमाडौं भित्रिएका छन् ।
बुधबारयता काठमाडौं छाड्‍ने यात्रुको संख्या ४ लाख ७० हजार १ सय १७ रहेको महानगरीय ट्राफिक प्रहरी महाशाखा प्रमुख (एसएसपी) भिमप्रसाद ढकालले बताए । उनका अनुसार टिकट काउन्टर र बसपार्कमा शनिबार यात्रुको भिड अघिपछि भन्दा बढी रहेको थियो ।

हेर्नुहोस्, उपत्यकाबाट कुन दिन कति यात्रु र सवारी साधन बाहिरिएः

बारउपत्यकाबाट बाहिरिने यात्रु संख्याउपत्यकाबाट बाहिरिने सवारी साधन संख्या
बुधबार९५,२४७
१७,५२४
बिहीबार८९,८०४
१६,८२४
शुक्रबार९८,५१७
१४,३३८
शनिबार१,८६,५४९ २७,२६०

प्रकाशित : चैत्र ८, २०७६ १९:५६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×