अनुमतिबेगर स्वदेश फर्किएका ६३ नेपाली खरिपाटी क्‍वारेन्टाइनमा

लीला श्रेष्ठ

काठमाडौँ — नेपाल सरकारको अनुमतिबिना विभिन्न मुलुकबाट शनिबार स्वदेश फर्किएका ६३ नेपालीलाई भक्तपुरको खरिपाटीस्थित क्‍वारेन्टाइनमा पुर्‍याइएको छ । 

प्राणघातक कोरोना भाइरस (कोभिड १९) संक्रमणको जोखिम न्यूनिकरणका लागि सरकार लगाएको प्रतिबन्धविपरीत विदेशी एयरलाइन्स कम्पनीले बेकेर ल्याएका ५ महिलासहित ६३ नेपालीलाई खरिपाटी क्‍वारेन्टाइनमा राखिएको भक्तपुरका एसपी सविन प्रधानले जानकारी दिए ।


स्वदेश आएका ६३ नेपालीलाई विमानस्थलबाट दुइटा साझा बसले नि:शुल्क रुपमा खरिपाटी पुर्‍याएका थिए । उनीहरु जापान, मलेसिया, भारतबाट एयर इन्डिया र थाइ एयरवेजको विमान चढी नेपाल आएका हुन् । अनुमतिबिना नेपाल आएकाहरु अब १४ दिन क्वारेन्टाइनमा बस्नुपर्नेछ ।


खरिपाटीमा नेपाली सेनाले हेल्थ डेक्स सुरु गरिसकेको छ ।


कोभिड–१९ संक्रमण रोकथाम तथा नियन्त्रण उच्चस्तरीय समन्वय समितिको चैत ५ गतेको बैठकले

युरोपका सबै मुलुक, पश्चिम एसियालगायत खाडी मुलुक, इरान, टर्की, मलेसिया, दक्षिण कोरिया, जापानका नागरिकलाई चैत ७ गतेदेखि वैशाख ३ गतेसम्मका लागि आगमनमा प्रतिबन्ध लगाएको थियो ।

यो पनि

प्रकाशित : चैत्र ८, २०७६ १८:०९
ADVERTISEMENT
प्रतिक्रिया
पठाउनुहोस्
ADVERTISEMENT

फ्रान्समा क्‍वारेन्टाइनको समय लम्बिने 

ददी सापकोटा

पेरिस — फ्रान्स सरकारले तोकेको १५ दिनको क्‍वारेन्टाइनको समय लम्बिने भएको छ । राष्ट्रपति एमानुयल म्‍याक्रोद्वारा घोषणा गरिएको १५ दिनको समय लम्ब्याएर कम्तिमा एक महिनादेखि ६ हप्तासम्म पुर्‍याइने राष्ट्रपतिका विज्ञान सम्‍बन्धी सल्लाहकार तथा पेरिसको बिसे अस्पतालका संक्रामक रोग विशेषज्ञ प्राध्यापक यच्दान पानाहले सार्वजनिक गरेका हुन् ।


उनले क्‍वारेन्टाइनको १५ दिने समय अत्यन्तै छोटो भएकाले भाइरस नियन्त्रणका लागि नपुग्‍ने भन्दै अझै एक महिना लब्याउनुपर्ने बताएका छन् ।

हालसम्म कोरोना भाइरसको उपचार गर्ने भ्याक्सिन र औषधि दुवै नभएकाले पनि क्‍वारेन्टाइनको समय लम्बिने तर्क उनले गरेका हुन् । 'हामीसित न भ्याक्सिन छ । न त औषधि नै पत्ता लागेको छ । यस्तो स्थितिमा क्‍वारेन्टाइनको अवधि डेढ महिना पुर्‍याउनुपर्छ,' उनले भने ।

यसैबीच सरकारले क्‍वारेन्टाइनमा बस्‍न आग्रह गरेपनि नगरिकहरुले त्यसको पूर्ण पालना नगरेको भन्दै सरकारले क्‍वारेन्टाइनको अझै कडा नियम लागू गर्न आन्तरिक तयारी गरिरहेको फ्रान्सेली मेडियाहरुले उल्लेख गरेका छन् ।

यो पनि पढ्नुहोस्ः

प्रकाशित : चैत्र ८, २०७६ १७:१३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×