सरकारले सबै सीमानाकामा आवतजावत बन्द गर्ने : आपूर्तिमन्त्री भट्ट भन्छन्, 'भोलि निर्णय हुन्छ' 

जयसिंह महरा

काठमाडौँ — कोरोना भाइरस (कोभिड १९) बाट बच्‍नका निम्ति सरकारले छिमेकी देशसँगका सबै नाकाहरुमा आवतजावत बन्द गर्ने भएको छ ।

प्रधानमन्त्री तथा मन्त्रिपरिषद् कार्यालय सिंहदरबारमा शुक्रबार साँझ बसेको कोभिड–१९ रोकथाम तथा नियन्त्रण उच्चस्तरीय समन्वय समितिको बैठकमा मानिसको आवतजावतले सं‌क्रमणको डर हुने भन्दै सबै नाकाहरुमा रोक लगाउने विषयमा छलफल भएको हो ।


बैठकपछि उद्योग, वाणिज्य तथा आपूर्तिमन्त्री लेखराज भट्टले कान्तिपुरसित भने, 'नाकाहरु सबै बन्द गर्ने भन्‍ने नै हो । भोलि निर्णय हुन्छ ।' उनका अनुसार समितिको अर्को बैठक शनिबार ५ बजे पुन: बस्ने छ । उक्त बैठकले नाकाहरु कहिलेदेखि र कहिलेसम्म बन्द गर्ने भन्‍ने निर्णय लिइने छ ।


उपप्रधान तथा रक्षामन्‍त्री ईश्वर पोखरेलको अध्यक्षतामा बसेको कोरोना नियन्त्रण उच्चस्तरीय समन्वय समिति बैठकमा शुक्रबार विभिन्न मन्त्रालयका प्रतिनिधिहरुले कोरोनाविरुद्धको योजना सुझाव दिने काम मात्र भएको मन्त्री भट्टले बताए । 'आजको बैठक योजना निर्माणबारे हो । आज हामीले सुझाव दिने कुरा थियो, अलि-अलि अपुग के छन् भनेर । भोलि बेलुका ५ बजे बसेर निर्णय लिनेछौं ।'


कोरोना संक्रमण फैलिनबाट जोगाउन हवाइमार्ग र सीमानाकाबाट प्रवेश रोक लगाउनुपर्ने नागरिक र विभिन्‍न क्षेत्रबाट माग भइरहेको बेलायत सरकारी निकायले सीमा बन्दको छलफल प्रक्रिया अगाडि बढाएको हो ।


शुक्रबार साँझ प्रधानमन्‍त्री केपी ओलीले देशवासीका नाममा सम्बोधन गर्दै अत्यावश्यकबाहेकका सेवा चैत ९ देखि २१ गतेसम्म बन्द, चैत १० देखि लामो दूरीका यातायात बन्द गर्ने लगायत जानकारी दिएका छन् ।

प्रकाशित : चैत्र ७, २०७६ २०:४४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बलिउड गायिका कनिका कपुरलाई कोरोना संक्रमण

एजेन्सी

बलिउडकी चर्चित गायिका कनिका कपुरले आफूलाई कोरोना भाइरस(कोभिड-१९)को संक्रमण भएको बताएकी छन् ।


उत्तर प्रदेशको लखनउ सहरमा रहेकी कनिकाले आफ्‍नाे इन्स्टाग्राम एकाउन्टबाट आफूलाई संक्रमण भएको जानकारी गराउँदै आफ्‍नाे सम्पर्कमा आएकाहरुलाई आइसोलेसनमा बस्‍न आग्रह गरेकी छन् ।

१० दिनअघि भारत बाहिर कन्सर्ट गरेर फर्किएकी 'बेबी डल' गायिकाले ४ दिनअघि मात्रै यो संक्रमणको लक्षण देखिएकाले आफूले धेरैलाई भेटेको बताएकी छन् । उनले संक्रमण भइसकेपछि मुम्बई र लखनउका कार्यक्रममा भाग लिएकी भन्दै अर्की गायकी सोना मोहापात्राले आलोचना गरेकी छन् ।

'सरकारले केही गरेन भन्ने तर आफूले कुनै जिम्मेवारी बोध नगर्ने मूर्खहरुका कारण भारतमा कोरोना व्यापक मात्रामा फैलिने देखियो,' उनले ट्विटरमा लेखेकी छन् । उनले संक्रमण भएकी कनिकाले सहरहरुमा कार्यक्रम गरेको र पाँचतारे होटलमा बसेको भन्दै आलोचना गरेकी हुन् । अभिनेत्री गौहर खानले कनिकाको सम्पर्कमा आएका एक सयजनालाई तुरुन्त आइसोलेसनमा गइ परीक्षण गराउन आग्रह गरेकी छन् ।

कनिका उपस्थित पार्टीमा सहभागी भएका राजस्थानकी पूर्व मुख्यमन्त्री बसुन्धरा राजे र उनका छोरा दुश्यन्तले आफूहरु कसैको सम्पर्कमा नगइ आइसोलेसनमा बसेको बताएका छन् । कनिकाका पिता राजीव कपुरले आज तकसँगको अन्तर्वातामा कनिका विदेशबाट फर्किएपछि ३ सय ५० देखि ४ सय जनाको सम्पर्कमा आएको बताएका छन् । तर, कनिकाले भने यसलाई झुटो भन्दै आफू ३०-३५ जनाको मात्रै सम्पर्कमा पुगेको बताएकी छन् । यस्तै लखनउ एयरपोर्टमा आफ्नो 'ट्राभल हिस्ट्री' लुकाएको भन्ने आरोपको पनि उनले खण्डन गरेकी छन् ।

प्रकाशित : चैत्र ७, २०७६ २०:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×