प्रदेश २ को नाम 'मिथिला भोजपुरा' राख्ने कांग्रेसको प्रस्ताव अस्वीकृत
जनकपुर — प्रदेश २ को नाम 'मिथिला भोजपुरा' राख्ने कांग्रेसको प्रस्ताव अस्वीकृत भएको छ । प्रदेशको नाम 'मिथिला भोजपुरा' राख्ने कांग्रेसको पक्षमा २८ मत मात्रै खसेको छ । प्रदेशसभामा कांग्रेसका १९ सांसद छन् । सत्ता पक्षाका सांसदहरुले कांग्रेसको प्रस्तावको पक्षमा मतादान गरेको आशंका गरिएको छ ।
कांग्रेस र नेकपाले राखेको प्रस्ताव अस्वीकृत भएसँगै अब बारा र पर्साका सांसदहरुले प्रस्ताव गरेको 'मध्य मधेस' नाममाथि मतदान हुनेछ।
मतदानको प्रक्रियामा प्रदेशको नाम र राजधानी पारितका लागि दुई तिहाइ मत आवश्यक पर्छ। प्रदेश सभामा सत्तापक्ष समाजवादीको ३०, राजपाको २५ सांसद गरी ५५ जना छन् ।
दुई तिहाइका लागि सत्ता पक्षलाई थप १७ जना सांसद आवश्यक पर्छ। नेकपाको ३२, कांग्रेसको १९ र संघीय समाजवादी पार्टीको एक सांसद छन् ।
प्रकाशित : चैत्र ४, २०७६ १७:०७प्रतिक्रिया
