रहिनन् साहित्यकार इन्द्रमणि दर्नाल- समाचार - कान्तिपुर समाचार
कान्तिपुर वेबसाईट
AdvertisementAdvertisement

रहिनन् साहित्यकार इन्द्रमणि दर्नाल

मनोज बोगटी

दार्जिलिङ — हत्तपत्त चर्चामा नआउने तर लेखनमा सक्रिय रहेकी दार्जिलिङकी नाटककार, कथाकार इन्द्रमणि दर्नालको ७० वर्षको उमेरमा निधन भएको छ । जनवरीदेखि मुटुको बिरामीले थलिएकी दर्नालको उपचारका क्रममा दार्जिलिङको एक अस्पतालमा उपचारकै क्रममा उनको देहान्त भएको हो।

दर्नाल साहित्य अकादमी दिल्लीका सदस्य पनि हुन्। दार्जिलिङको साहित्यिक संस्थाबसुधाकी संस्थापकमध्ये उनी पनि एक हुन्।समाचोलक डा. कविता लामाले दर्नालकै पहिलो कथा कृति म्याडम' अनिकथाहरूको समालोचना गरेर स्वतन्त्र समालोचना सुरु गरेकी थिइन्। दर्नाल मूलत: नाटककार हुन्। नाटकका कृति बाहेक कथार उपन्याससमेत प्रकाशित गरिसकेकी छन्।

पौराणिक वा पूर्वीय मिथबारे नाटक लेख्न खप्पिस दर्नाल भारतीय नेपालीसाहित्यमा पहिलो महिला नाटककारका रुपमा पनि चिनिन्छन्। छुट्टै राज्य गोर्खाल्याण्ड आन्दोलनकोसाङ्गोपाङ्गो विषय समेटेर उपन्यास लेख्ने पनि उनी नै पहिलो हुन्। उनको उपन्यास 'अर्धविराम'मा १९८०को दशकमा सुरु भएकोछुट्टै राज्य गोर्खाल्याण्डको कथा छ। यसै उपन्यासको दोस्रो भाग पनि लेखिसकेका छन्।जसमा २०१७ मा भएकोआन्दोलनको कथा रहेको छ।

पौराणिक विषयवस्तुमा आधारित रहेर उनले लेखेका नाटक 'ययाति', 'अक्षीभू''कृष्णाकृष्णा' पनि सँधैचर्चामा आइरहने किताबमध्येमा पर्छन्। उनको 'कृष्णाकृष्णा'नाटकसंग्रहले पश्चिम बङ्गालको रवीन्द्र अकादमी पुरस्कार प्राप्त गरिसकेको छ।

उनको नयाँनाटक संग्रह 'मीना'प्रकाशनको तयारीमा थियो, मैले भूमिका लेख्दै थिएँ। उपन्यास अर्धविराम र नयाँ नाटकसंग्रह प्रकाशनको तयारीमा थिइन्,डा. कवितालामाले सुनाइन्, कृतिप्रकाशन गर्न नपा बितिन्,भारतीय नेपाली समाजले एकजना राम्रा लेखक गुमायो।

लामाले भारतीय नेपाली समाजमा धेरै जना ओझलमा परेका लेखकहरू रहेको भन्दैदर्नाल पनि एक रहेको जनाइन्। दर्नाललेनेपाली साहित्य जगतलाईजति कृतिहरू दिएक छन्,त्यसको मात्र अध्ययन गरियो भने भारतीय नेपाली महिला लेखकको शक्ति थाहा पाइन्छ, उनले भनिन्, तर समालोचना र चर्चा नगरेर नै उनलाई ओझल पारियो। दर्नाल आफै पनिपठनसंस्कृतिको अविकसित स्थितिसित दुखित थिइन्।

नेपालकी साहित्यकार लीलालुइँटेलले दर्नाललाई सामाजिक, पौराणिक, ऐतिहासिकविषयवस्तुको प्रस्तुति र नाटकमा नारीका कमीकमजोरी केलाएर नारी शक्तिको पहिचान खोतल्ने लेखक भनेकी छन्।

प्रकाशित : चैत्र १, २०७६ १४:४३
प्रतिक्रिया
पठाउनुहोस्

विदेशी नराेकिएका कारण दार्जिलिङवासी चिन्तित

काेराेना सन्त्रास
मनोज बोगटी

दार्जिलिङ — कोरोना भाइरस संक्रमण रोक्न भुटान र सिक्किममा विदेशी पर्यटकलाई रोक लगाइए पनि छिमेकी दार्जिलिङले रोक नलगाउँदा स्थानीय चिन्तित भएका छन् ।

फाइल तस्बिरः राेयटर्स


डुवर्सस्थित भुटान सीमामा भुटान सरकारले कोरोना भाइरसको संक्रमणबाट बच्न निःशुल्क ह्यान्ड स्यानिटाइजर वितरण गर्न कन्टेनर राखेको छ । स्वास्थ्यकर्मीका अनुसार भुटानभरि नै यसप्रकारको पहल सुरु गरिएको छ । भुटान प्रवेश गरिरहेका सबैको स्क्रिनिङ जारी छ । सिक्किममा पनि हरेक नागरिकको स्क्रिनिङ चलिरहेको छ ।

सिक्किम प्रहरीले भारतीय पर्यटकसम्मको जाँचलाई चुस्त गरिएको बताए पनि दार्जिलिङमा भने विदेशी पर्यटकको घुमफिरमा रोक लगाइएको छैन । दार्जिलिङमा दैनिक सयौं पर्यटकको आवातजावत हुने गरेको छ । कोरोना भाइरसलाई लिएर सबैतिर सतर्कता अपनाइँदा दार्जिलिङमा विदेशी पर्यटकलाई भ्रमण खुला गरिएको प्रति स्थानीयले चिन्ता व्यक्त गरेका छन् । पश्चिम बंगाल सरकारले विदेशीलाई रोक्न कुनै पहल नगरे पनि केन्द्रीय गृहसचिव अजय भल्लाले हरेक सीमा नाकामा सुरक्षा जाँच र निगरानी चुस्त गर्न निर्देशन दिएका छन् ।

संक्रमण नफैलियोस् भनेर दार्जिलिङका स्थानीय मास्क लगाएर हिँड्न थालेका छन् । हरेक विद्यालयले विद्याथीलाई ह्यान्ड स्यानिटाइजर प्रयोग गर्न र मास्क लगाउन निर्देशन दिएसँगै यसको प्रयोगमा वृद्धि भएको छ, जसले गर्दा स्यानिटाइजरको स्टक सकिएको छ । यद्यपि मास्क भने पर्याप्त मात्रामा रहेको दार्जिलिङका अधिकारीहरूले बताएका छन् ।

दार्जिलिङका सांसद राजु विष्टले कोरोना भाइरसको प्रकोपबाट दार्जिलिङ पहाडी क्षेत्रलगायत तराई–डुवर्स क्षेत्रलाई सुरक्षित राख्न तत्काल प्रभावकारी कदम चाल्न र विशेषज्ञ टोली खटाउन राज्य तथा केन्द्र सरकारसँग माग गरेका छन् । उनले दार्जिलिङ र कालेबुङ जिल्लाका सीमामा तत्काल कोरोना भाइरस स्क्रिनिङको सुरुवात गर्न पनि आग्रह गरेका छन् ।

‘डुवर्स, नेपाल, भुटान, बंगलादेश र चीनको अन्तर्राष्ट्रिय सीमालगायत असम र सिक्किम राज्यको सीमासँग जोडिएका कारण पनि दार्जिलिङमा कोरोना भाइरसको संक्रमण फैलन सक्ने सम्भावना छ,’ विष्टले भनेका छन्, ‘यसैले पनि यी संवेदनशील क्षेत्रमा तत्काल आवश्यक पहल अनिवार्य छ ।’

सांसद विष्टले दार्जिलिङवासीलाई आतंकित नबन्नका लागि पनि आह्वान गरेका छन् ।

प्रकाशित : फाल्गुन २५, २०७६ २१:५१
पूरा पढ्नुहोस्
प्रतिक्रिया
पठाउनुहोस्
×