१२ दिनको अस्पताल बसाइपछि प्रधानमन्त्री डिस्चार्ज - समाचार - कान्तिपुर समाचार
कान्तिपुर वेबसाईट
AdvertisementAdvertisement

१२ दिनको अस्पताल बसाइपछि प्रधानमन्त्री डिस्चार्ज 

स्वरूप आचार्य

काठमाडौँ — मिर्गौला प्रत्यारोपणका लागि १२ दिनको अस्पताल बसाइपछि शुक्रबार साँझ प्रधानमन्‍त्री केपी शर्मा ओलीलाई त्रिवि शिक्षण अस्पतालले डिस्चार्ज गरेको छ । शिक्षण अस्पताल महाराजगन्जमा मिर्गौला प्रत्यारोपण गरेका प्रधानमन्त्री ओली केहीबेर अघि डिस्चार्ज भएका हुन् ।

उनी नियमित फलोअपमा रहनुपर्ने अस्पतालले जनाएको छ । अस्पतालका अनुसार प्रधानमन्‍त्री ओलीका महत्वपूर्ण अंगका परिसूचक र परीक्षणहरु राम्रो अवस्थामा रहेका छन् ।


फागुन १९ गते अस्पताल भर्ना भएका ओलीको २१ गते बुधबार दोस्रो पटक मिर्गौला प्रत्यारोपण गरिएको थियो । उनकी मिर्गौलादाता समीक्षा संग्रौला यसअघि नै डिस्चार्ज भइसकेकी छन् ।


'सम्माननीय प्रधानमन्‍त्री श्री केपी शर्मा ओलीज्यू त्रिवि शिक्षण अस्पतालमा २०७६ फागुन १९ गते भर्ना हुनु भई फागुन २१ गते उहाँको मिर्गौला प्रत्यारोपण गरिएको थियो । आज उहाँलाई अस्पतालबाट पूर्ण स्वास्थ्यलाभपछि डिस्चार्ज गरिएको छ', मिर्गौला रोग तथा प्रत्यारोपण चिकित्सा विभाग प्रमुख एवं प्रधानमन्‍त्रीका निजी चिकित्सक दिव्या सिंह शाहले शुक्रबार जारी गरेको विज्ञप्तिमा लेखिएको छ, 'उहाँका भाइटल तथा ल्याब सूचकांकहरु राम्रो अवस्थामा रहेका छन् ।'


अस्पतालले प्रधानमन्‍त्रीले आवश्यक सतर्कताका साथ नियमित सबै काम गर्न सक्ने जनाएको छ ।


प्रकाशित : फाल्गुन ३०, २०७६ १८:३३
प्रतिक्रिया
पठाउनुहोस्

१७ लाख घूससहित नापीका ६ कर्मचारी पक्राउ

सन्जु पौडेल

रुपन्देही — जिल्ला नापी कार्यालय भैरहवाका नापी अधिकृत सरोज श्रेष्ठसहित ५ कर्मचारी १७ लाख रुपैयाँ घूससहित शुक्रबार पक्राउ परेका छन् । अख्तियार दुरुपयोग अनुसनधान आयोगको बुटवल कार्यालयबाट गएको टोलीले घूस लिँदै गर्दा श्रेष्ठसहित नापी सर्भेक्षक तिर्थराम भण्डारी, सर्भेक्षक थानेश्वर चौधरी, मालपोत कार्यालयका नासु धर्मराज पन्थी, लेखापढी व्यवसायी जीवन शर्मा, मतियार राजकुमार अर्याललाई पक्राउ गरेको आयोग केन्द्रीय प्रवक्ता प्रदीप कोइरालाले बताए ।


उनीहरुले जग्गाको कित्ताकाटमा सहजीकरण गरिदिने भनि सेवाग्राहीसँग घूस लिएको कोइरालाले बताए । उनीहरुलाई सिद्धार्थ नगर नगरपालिका–१३ स्थित अशोका होटल नजिकबाट पक्राउ गरेको हो । उनीहरुलाई नियन्त्रणमा लिएर अनुसन्धान भइरहेको प्रवक्ता कोइरालाले बताए । साथै उनले विज्ञप्तिमार्फत थप जानकारी दिने बताए ।

प्रकाशित : फाल्गुन ३०, २०७६ १८:२९
पूरा पढ्नुहोस्
प्रतिक्रिया
पठाउनुहोस्
x
×