कर्तव्य ज्यान मुद्दामा फरार दुईजना पक्राउ

ब्युरोको टोलीले सिन्धुलीको गोलञ्जोर गाउंपालिका–७ का ७३ वर्षीय यज्ञप्रसाद चौलागाई र ३४ वर्षीय सम्झना भन्ने टिका कुमारी चौलागाईलाई आइतबार काठमाडौंको गोठाटारबाट पक्राउ गरेको प्रवक्ता प्रहरी उपरीक्षक वेलबहादुर पाण्डेले जानकारी दिए ।

उनीहरुविरुद्ध २०७३ कात्तिक ३० गते साविक भिमेश्वर गाविस ९ बस्ने तुलसाकुमारी पहाडीलाई कुटपिट गरी हत्या गरेको आरोपमा परेको मुद्दामा पुनरावेदन अदालत पाटनले गत जेठ १० गते २० वर्ष कैद हुने फैसला सुनाएको थियो ।

ब्युरोले उनीहरुलाई काठमाडौं जिल्ला अदालतमा उपस्थित गराइ कैद भुक्तानको लागि केन्द्रीय कारागार कार्यालय सुन्धारामा पेश गरिएको प्रवक्ता पाण्डेद्वारा जारी विज्ञप्तिमा उल्लेख छ ।