जो सुकै हुन्, भ्रष्टाचारीले उन्मुक्ति पाउँदैनन् : दाहाल

'कोही माथि अदालतमा मुद्दा छ, कसैलाई अख्तियारले छानविन गर्दै छ, उनले भने, 'सरकार कुनै हालतमा पनि अनुसन्धान अघि बढाउन र कारबाहीको दायरामा ल्याउन कत्ति पनि पछि पर्दैन ।'

शनिबार पूर्वी नवलपरासीको रजहरमा रहेको प्राकृतिक चिकित्सालयमा नयाँ भवनको उद्धघाटनपछि बोल्दै दाहालले त्यसो भनेका हुन् । उनले बाँस्कोटा घटनामा सरकारी अंगले अनुसन्धान अघि बढाइसकेको र केही समय धैर्य गरेर हेर्न आग्रह गरे ।

उनले प्राकृतिक जीवन पद्दतीसँग साइनो नजोडेसम्म कोही पनि सुरक्षित नहुने स्मरण गर्दै चिकित्सालयमा तत्काल दरबन्दी थप्न र यस्लाई मेडिकल कलेजका रुपमा विकास गर्न आफूले सरकारी संयन्त्र परिचालन गरेर सहयोग गर्ने प्रतिवद्धता पनि जनाए ।

वर्तमान सरकारसँग जनताको धेरै अपेक्षा रहेको आफू जानकार रहेको चर्चा गर्दै उनले जनताले अनुभूति पाउने गरी सरकारका काम कारबाही अघि बढाउने पनि सुनाए । दाहाल शनिबार नै पार्टी केन्द्रीय पदाधिकारीको बैठकमा उपस्थित हुन भन्दै काठमाडौं फर्किए ।