‘निर्वाचन कम खर्चिलो बनाऊ’
काठमाडौँ — प्रधानमन्त्री केपी शर्मा ओलीले निर्वाचनलाई कम खर्चिलो बनाउने गरी क्रियाकलाप तय गरिनुपर्नेमा जोड दिएका छन् । निर्वाचन दिवसका अवसरमा निर्वाचन आयोगले बुधबार आयोजना गरेको कार्यक्रममा उनले उम्मेदवारले खर्च गर्नु नपर्ने पारदर्शी निर्वाचनको वातावरण बनाउन आयोगलाई सुझाव दिए ।
प्रधानमन्त्री ओलीले निर्वाचनमा खर्च पारदर्शी हुने र मतदानमा जनताको बढी सहभागिता रहने विधिबारे छलफल चलाउन आयोगको ध्यानाकर्षण गराए ।
‘अबको चुनौती नै निर्वाचनलाई कसरी कम खर्चिलो बनाउने हो,’ उनले भने । स्वच्छ, स्वतन्त्र, निष्पक्ष र विश्सनीय रूपमा निर्वाचन गराउन सक्षम रहेको भन्दै प्रधानमन्त्री ओलीले आयोगको प्रशंसासमेत गरेका थिए ।
प्रकाशित : फाल्गुन ७, २०७६ २०:४४प्रतिक्रिया