जनकपुरमा महिलाको सामूहिक बलात्कार, दुईजना पक्राउ

बलात्कारको आरोपमा २ जनालाई पक्राउ गरी अनुसन्धान गरिरहेको प्रहरी निरीक्षक झाले जानकारी दिए । पक्राउ पर्नेमा महोत्तरी औरहीका २५ वर्षीय नरेश महतो र भारत मधुवनी कलुवाहीका ४९ वर्षीय राघवेन्द्र साह रहेका छन् । पीडित महिला र पक्राउ परेका दुवैजनाको मेडिकल जाँचका लागि प्रादेशिक अस्पताल जनकपुर पठाइएको छ ।

प्रहरीका अनुसार महिलालाई कुनै बहानामा घरमा बोलाइ आरोपीहरुले सामूहिक बलात्कार गरेका थिए । घटना सम्बन्धमा थप अनुसन्धान भइरहेको प्रहरीले बताएको छ । बलात्कारमा संलग्न अन्यको खोजि भइरहेको छ ।