कान्तिपुर वेबसाईट
AdvertisementAdvertisement

निर्माणाधीन पाल्पा सिजी सिमेन्ट उद्योगमा स्थानीयले लगाए ताला

माधव अर्याल

पाल्पा — आफ्‍ना माग पूरा नगरेको भन्दै शनिबार बेलुकी स्थानीय बासिन्दाले तालाबन्दी गरेपछि रैनादेवी छहरा गाउँपालिका-२ साेमादीमा निर्माणाधीन सिजी सिमेन्ट उद्योगको काम तीन दिनदेखि ठप्प भएको छ । निर्माण कम्पनी भारतीय आईयूके र सिजी सिमेन्ट उद्योगको प्रशासनमा स्थानीय बासिन्दाले तालाबन्दी गरेपछि तीव्र गतिमा भइरहेको निर्माणका काम ठप्प भएको हो । 



स्थानीय बासिन्दाले धुलोधूवाँ गराएको, तीव्र गतिमा टिपर चलाएको, आईयूके कम्पनीका कामदारले जथाभावी फोहोर गरेको, वातावरणीय प्रदूषण बढाएको आरोपमा तालाबन्दी गरेको बताएका छन्। कम्पनीले आफ्‍ना मागप्रति वेवास्ता गरेकाले तालाबन्दी गरेको बताएका छन्।


केही दिनअघि पनि यही विषयमा स्थानीय बासिन्दा, जनप्रतिनिधि, कम्पनीबीच छलफल भएको थियो। समिति निर्माण गरेर वार्ता गर्ने र समस्या समाधान गर्ने भन्ने निष्कर्षमा पुगेको थियो। स्थानीय दीपक पाण्डेयका अनुसार कम्पनीका केही कर्मचारीले स्थानीय बासिन्दालाई धम्की दिएकाले तालाबन्दी गर्नु परेको बताए। उनका अनुसार स्थानीय युवाहरुले शनिबार बेलुकीदेखि तालाबन्दी गरेर काम ठप्प भएको छ।


सोमबार रैनादेवी छहरा गाउँपालिकाका अध्यक्ष रामबहादुर कार्की, वडाध्यक्ष जीवनाथ पोखरेल, स्थानीय बासिन्दा र कम्पनीका महाप्रबन्धक कल्याण पन्तबीच छलफल भइरहे पनि निष्कर्षमा पुगेको छैन। स्थानीयले तालाबन्दी गरेर काम रोकेको थाहा पाएपछि आफू कम्पनी निर्माणस्थलमा पुगेको गाउँपालिका अध्यक्ष कार्कीले बताए।


कम्पनीका महाप्रबन्धक पन्तले जानकारी बिना तालाबन्दी गरेको बताए। उनले लिखित माग कोही कसैले नदिएको र केही युवाहरुले आएर अचानक सिजीको प्रशासनमा तालाबन्दी गरेको बताए। उनले कम्पनी निर्माणको चरणमा भएको तर सुरक्षाको प्रत्याभूति हुन नसकेको बताए। खेतमा सिंचाइ गर्ने कुलो पुरिएको विषयमा दुई साता अघि पनि स्थानीय बासिन्दा र कम्पनीबीच विवाद भएपछि जनप्रतिनिधि, स्थानीय समाजसेवी, अगुवा बसेर समाधान भएको थियो।


चौधरी ग्रुपले सोमादीको सर्देवामा सिमेन्ट उद्योग स्थापना गर्न झण्डै ५ सय रोपनी जग्गा खरिद गरिसकेको छ। यस्तै रिब्दीकोट गाउँपालिका–२, देउरालीको डम्बकमा समेत ३ सय ८० रोपनी जग्गा खरिद गरेर राखेको छ। प्रकाशित : फाल्गुन ५, २०७६ ०९:२१

ADVERTISEMENT
प्रतिक्रिया
पठाउनुहोस्
ADVERTISEMENT

कोरोना प्रकोप : संक्रमित र मृतकको संख्या घट्दै गएको चीनको दाबी

मृतकको संख्या १७ सय नाघ्याे, ७१ हजार बढी संक्रमित
एजेन्सी

बेइजिङ — चीनले कोरोना भाइरसको नयाँ संक्रमित संख्या घटेको बताएको छ । लगातार तीन दिन नयाँ संक्रमितको संख्यामा गिरावट आएको उसले जनाएको हो ।

रोग नियन्त्रणबारे सरकारले चालेका ठोस प्रयासले काम गर्न थालेको उनीहरूको दाबी छकोरोना भाइरस संक्रमण फैलन नदिन चीनले चालेका कदमले बिस्तारै प्रभाव देखाउन थालेको छ,’ चिनियाँ राष्ट्रिय स्वास्थ्य आयोगका प्रवक्ता मी फेङले आइतबार आयोजित पत्रकार सम्मेलनमा बताए

आइतबार चीनमा १०५ जनाको मृत्यु भएको छ। स्वास्थ्य आयोगका अनुसार कारोनाका कारण शनिबार चीनमा १४२ जनाको मृत्यु भएको थियो भने थप दुई हजार नौमा संक्रमण पाइएको थियो अघिल्लो दिन शुक्रबार १४३ जनाको मृत्यु भएको थियो दुई हजार ६४१ नयाँ संक्रमित पुष्टि भएका थिए

हालसम्म कोरोना भाइरस संक्रमणबाट चीनभर ७१ हजार ३२६ संक्रमित भएका छन् भने मृतकको संख्या १ हजार ७७५ पुगेको छ। चीनमा मात्रै एक हजार ७ सय ७० जनाको मृत्यु भएको छ ।चीनबाहिर करिब ३० देशमा लगभग पाँच सय संक्रमित पाइएका छन्

कोरोना संक्रमितमध्ये १० हजार ६१० जना निको भइसकेका छन्

कहाँ कति संक्रमित?

चीन-१,७७०मृत्यु,७०,५४८संक्रमित
हङकङ- १ मृत्यु, ५७ संक्रमित
जापान- १ मृत्यु, ४१२संक्रमित
फिलिपिन्स- १ मृत्यु, ३ संक्रमित
फ्रान्स- १ मृत्यु, १२ संक्रमित


संक्रमित मात्रै

मकाउ- १०

सिंगापुर- ७५
थाइल्यान्ड- ३४
दक्षिण कोरिया- २९
मलेसिया- २२
ताइवान- १८
भियतनाम- १६
जर्मनी- १६
अमेरिका- १५
अस्ट्रेलिया- १५
बेलायत- ९
यूएई-
क्यानडा- ८
भारत- ३
इटाली- ३
रुस- २
स्पेन- २
बेल्जियम- १
नेपाल- १
श्रीलंका- १
स्वीडेन- १
कम्बोडिया- १
फिनल्यान्ड- १
इजिप्ट- १

प्रकाशित : फाल्गुन ५, २०७६ ०९:१८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×