नाफा लैजान पाइँदैन भनेपछि विदेशी लगानी आउँदैन : दाहाल

हरिहरसिंह राठौर

धादिङ — नेकपाका अध्यक्ष पुष्पकमल दाहालले नेपालमा गरेको लगानीबाट नाफा गरेर आफ्नो देशमा लैजाने वातावरण भए मात्रै वैदेशिक लगानीकर्ता आउने बताएका छन् । पहिले स्वागत गर्ने लगानीको प्रतिफल लैजाने बेला तर्साउने विधिले वैदेशिक लगानी स्वतः घटने दाहालले बताए । 

ZenTravel

धादिङ उद्योग वाणिज्य संघले सदरमुकाममा आयोजना गरेको सातौं धादिङ उद्योग तथा पर्यटन महोत्सवको उद्घाटन गर्दै दाहालले नेकपा सपना पनि देख्ने अरुलाई पनि सपना देखाउने र सपना पूरा पनि गर्ने कुरामा अडिग रहेको बताए।

धादिङ र छिमेकी गोरखा जिल्लाको आर्थिक समृद्धिमा ठूलो योगदान पुर्‍याउन सक्ने प्रस्तावित बुढीगण्डकी जलविद्युत् आयोजनाको मुआब्जा वितरण अन्तिम चरणमा रहेको र अब डुबानबाट पिडित हुने घरपरिवारलाई पुनर्वास तथा पुर्नस्थापना प्रक्रिया अगाडि बढाई आयोजनाको निर्माण प्रक्रिया अघि जाने कुरामा ढुक्क हुन समेत उनले आग्रह गरे ।
तिब्बतबाट रेल आउने कुरामा विभिन्न चरणका कुरामा चीन सरकारसँग पटक पटकको वार्ता र सम्झौता अनुसार भनेकै समयमा रेल नआए पनि आगामी १० वर्ष भित्रै नेपाल विकासको नमुना र मूल्यांकन गर्न लायक र अरु देशसँग तुलना गर्न लायक भइसक्ने दाहालेबताए।

उनले केरुङबाट गल्छी हुँदै भारतको ठोरीसम्मको त्रिदेशीय मार्ग पनि सम्पन्न हुने चरण भइसकेको र तिब्बतबाट रेल काठमाडौं, धादिङ, पोखरा हुँदै लुम्बिनी लैजानै रणनीति अगाडि बढी सकेको बताए ।

महोत्सव उद्घाटनका क्रममा आएका नेपाली कांग्रेसका केन्द्रिय सदस्य मीन विश्वकर्माले खुला अर्थतन्त्र लागु गरेको देशमा ठूला उद्योगपतिहरुलाई वर्तमान सरकारले तर्साएर लगानीमैत्री वातावरण बिथोल्न लागेको, पार्टी निकट भ्रष्टाचारीहरुलाई जोगाउने र इतरपक्षका उद्योगपतीहरुलाई मुद्दा लगाएर तर्साउने उद्दत रहेको बताए ।

प्रकाशित : फाल्गुन २, २०७६ १८:१८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

बोलेरोको ठक्करबाट असईको मृत्यु

नगेन्द्र अधिकारी

काभ्रे — बोलेरो पिकअप भ्यानको ठक्करबाट प्रहरी सहायक निरिक्षक (असई) तेजबहादुर गुरुङको मृत्यु भएको छ ।प्रहरी चौकी साँगा अगाडी बाटो काट्ने क्रममा बनेपातर्फ आउँदै गरेको बा १९च १३२३ नम्बरको बोलेरोले ठक्कर दिँदा असई गुरुङको शुक्रबार मृत्यु भएको इलाका प्रहरी कार्यलय बनेपाका प्रहरी निरिक्षक योगेन्द्र तिमल्सिनाले जानकारी दिए ।

जिल्ला ट्राफिक प्रहरी प्रमुख विशाल तामाङले बाटो काट्ने क्रममा तीव्र गतिमा रहेको बोलेरोले गुरुङलाई ठक्कर दिएको थियो। ‘शिवरात्रीको दिनको ट्राफिक व्यवस्थापनबारे छलफल सकेर म गाडीमा चढेँ, असईसा'प बाटो काट्दै हुनुहुन्थ्यो, स्पिडमा रहेको बोलेरोले ठक्कर दिइहाल्यो,’ तामाङले भने, ‘तत्काल उपचारको लागि धुलिखेल अस्पतालमा पुर्‍याउँदा मृत घोषणा गरियो।’

गुरुङको शव परिक्षणको लागि त्रिवी शिक्षण अस्पताल पठाइएको छ। बोलेरो चालक भक्तपुर–१० का ३१ वर्षीय विक्रम जाकिवञ्जार प्रहरी नियन्त्रणमा छन्।

२०५१ सालमा प्रहरी जवानको रुपमा सेवा प्रवेश गरेका गुरुङ २०६१ कार्तिकमा हवल्दार पदमा बढुवा भएका थिए। २०७० जेठ ३१ गतेयता उनी प्रहरी सहायक निरिक्षक पदमा कार्यरत छन्।

प्रहरी सहायक निरिक्षक नै रहेकी उनकी श्रीमतीले केही वर्षअघि राजीनामा दिएकी थिइन्। गुरुङका १ छोरा र १ छोरी छन्।

प्रकाशित : फाल्गुन २, २०७६ १७:४७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×