सप्तरीमा हुने इस्लामिक सम्मेलनप्रति भारतीय सुरक्षा निकायको चासो- समाचार - कान्तिपुर समाचार
कान्तिपुर वेबसाईट
AdvertisementAdvertisement

सप्तरीमा हुने इस्लामिक सम्मेलनप्रति भारतीय सुरक्षा निकायको चासो

सम्मेलनस्थलमा सुरक्षाकर्मी थपिँदै
अवधेशकुमार झा

राजविराज — सप्तरीको बोदेबरसाइन नगरपालिका–५  जाजरमा शनिबारदेखि सुरु हुने भनिएको इस्लामिक सम्मेलनबारे भारतीय सुरक्षा निकायले चासो देखाएका छन् ।

बुधबार सीमावर्ती भारतको लौकही थानाका प्रमुख अरविन्द कुमार सम्मलेनस्थल पुगेर सप्तरीका सुरक्षा अधिकारीसँग भेटघाट गरेका छन् । सम्मेलनमा पाकिस्तानी नागरिकको घुसपैठ हुन सक्ने भन्दै भारतीय सुरक्षा अधिकारीले चासो दिएका हुन् । सम्मेलनको निहुँमा घुसपैठ हुन सक्ने भन्दै सीमामा सशस्त्र सुरक्षा बल(एसएसबी) को संख्या बढाइएको छ ।


सम्मेलनस्थलमा सुरक्षाकर्मी थपिँदै

शनिबारदेखि सुरु हुने मुस्लिम समुदायको इज्तिमा सम्मेलनलाई मध्यनजर गर्दै सुरक्षाकर्मीको तैनाथी बढाइएको छ । सम्मेलनस्थलमा नेपाल प्रहरीका तीन सय र सशस्त्र प्रहरीका दुई सय सुरक्षाकर्मी थपिएको छ । त्यस्तै दङ्गा नियन्त्रण गण दुहबीबाट पनि थप टोली आउँदै गरेको सप्तरीका सुरक्षा अधिकारीले बताएका छन् ।


बिहीबार नेपाल र भारत बाहेक अन्य मुलुकका मुस्लिम समुदायसमेत सम्मेलनमा सहभागी हुन आएको भन्दै गृह मन्त्रालयले बिहीबार उक्त सम्मेलनमा रोक लगाएको थियो । आयोजक समितिले बंगलादेश र पाकिस्तानबाट आएका धर्मगुरुहरुलाई फर्काउने र यसलाई अन्तर्राष्ट्रियकरण नगर्ने प्रतिबद्धता जनाएपछि गृह मन्त्रालयले सम्मेलन आयोजनाका लागि गृह मन्त्रालयले पुनः अनुमति दिएको छ ।

प्रकाशित : फाल्गुन २, २०७६ १२:२३
प्रतिक्रिया
पठाउनुहोस्

ए डिभिजन लिग : हिमालयन क्लबद्वारा न्युरोड क्लब पराजित 

नमिता दाहाल

काठमाडौँ — ए डिभिजन लिगको शुक्रबार भएको १३ औं चरणको पहिलो  खेलमा हिमालयन क्लबले न्युरोड क्लब पराजित गरेको छ । 

सातदोबाटोस्थित एन्फा कम्लेक्समा भएको खेलमा हिमालयनले २–१ को जित निकालेको हो । हिमालयनको लागि खेलको ४१ औं मिनेटमा स्टेफन समिर देउवेनी र ४६ औं मिनेटमा त्रिदेव गुरुङले गोल गरी अग्रता दिलाएका थिए ।

न्युरोड क्लबको लागि भने खेलको ३१ औं मिनेटमा राजेश परियारले १ गोल गरेका थिए ।

यससँगै हिमालयनका त्रिदेव गुरुङ म्यान अफ द म्याच घोषित भए ।

लिगको अन्तिम खेल भने शनिबार त्रिभुवन आर्मी क्लब र मछिन्द्र क्लब बीच हुनेछ ।

प्रकाशित : फाल्गुन २, २०७६ ११:४६
पूरा पढ्नुहोस्
प्रतिक्रिया
पठाउनुहोस्
×