कान्तिपुर वेबसाईट
AdvertisementAdvertisement

जिल्ला प्रशासन कार्यालयमा दुर्गा प्रसाईंको सुटुक्क बयानपछि साधारण तारेखमा रिहाई

लिला श्रेष्ठ

भक्तपुर — जिल्ला प्रशासन कार्यालय भक्तपुरले बी एन्ड सी मेडिकल कलेज झापाका सञ्चालक दुर्गा प्रसाईंलाई साधारण तारेखमा छोडेको छ । प्रशासन कार्यालयले माघ २ गते अभद्र व्यवहार गरेको उजुरीमा उनीविरुद्ध पक्राउ पुर्जी जारी गरेको थियो ।

महानगरीय प्रहरी परिसर भक्तपुर प्रमुख सविन प्रधानका अनुसार प्रहरीले आइतबार जिल्ला सरकारी वकिललाई प्रसाईंविरुद्धको अनुसन्धान प्रतिवेदन बुझाएको थियो । त्यसपछि सरकारी वकिल कार्यालयले जिल्ला प्रशासनमा मुद्दा दर्ता गरेको थियो ।


एसपी प्रधानका अनुसार प्रसाईंले मंगलबार प्रशासन कार्यालयमा गएर बयान दिएका थिए ।


भक्तपुरका साहयक सीडीओ दीलिप लामिछानेले प्रसाईंको बयान पछि उनलाई साधारण तारेखमा छोड्ने आदेश दिइएको पुष्टि गरे ।

प्रसाईंले आफूविरुद्ध अभद्र व्यवहार, गाली बेइज्जती तथा मानहानी गरेको भन्दै महानगरीय प्रहरी परिसर भक्तपुरमा चिकित्सा शिक्षा आयोगका उपाध्यक्ष श्रीकृष्ण गिरीले उजुरी दिएका थिए ।


यो पनि पढ्नुहोस् :




प्रकाशित : फाल्गुन १, २०७६ १४:४२
प्रतिक्रिया
पठाउनुहोस्

ए डिभिजन लिग : ब्रिगेड ब्वाइज र एपीएफको बराबरी

नमिता दाहाल

काठमाडौँ — ए डिभिजन लिगअन्तर्गत बिहीबार भएको खेलमा एपीएफ क्लब र ब्रिगेड ब्वाइज १–१ को बराबरीमा रोकिएका छन् ।

सातदोबाटोस्थित एन्फा कम्प्लेक्समा भएको खेलमा एपीएफका लागि खेलको ४४औं मिनेटमा आशीष लामाले पहिलो गोल गरेका हुन् । खेलको इन्ज्युरी समयमा ब्रिगेड ब्वाइजका लागि विजय गुरुङले बराबरी गोल फर्काएका थिए ।

बराबरीसँगै एपीएफ र ब्रिगेड ब्वाइज समान १२ खेलबाट समान ९ अंकका साथ १२ औं र १३ औं स्थानमा रहेका थिए । खेलमा एपीएफका नविन लामा म्यान अफ द म्याच घोषित भए ।

प्रकाशित : फाल्गुन १, २०७६ १४:३४
पूरा पढ्नुहोस्
प्रतिक्रिया
पठाउनुहोस्
×