जनतालाई सुसूचित गर्न सामुदायिक रेडियोको भूमिका महत्‍वपूर्ण : खनाल

प्रेस स्वतन्त्रताको सुनिश्चितताका लागि आफूले निर्वाह गर्नुपर्ने भूमिकाका लागि प्रतिबद्ध रहेको उल्लेख गर्दै नेकपाका वरिष्ठ नेतासमेत खनालले राष्ट्रियताको सवालमा देशभक्तिको भावना विकास गर्न पनि सामुदायिक रेडियो भूमिका महत्वपूर्ण हुने बताए ।

खनालले नेपालका संविधानले सम्पूर्ण नेपालका लागि आवश्यक हक अधिकार सुनिश्चित गरेको, देश, जनता,

सभ्यता, संस्कृति, स्रोत साधनप्रति माया गर्न सिकाएको र परिवर्तनका सबै ढोकाहरु खोलेको उल्लेख गरे ।

त्यस्तै नेपाली कांग्रेसकी सांसद् पुष्पा भूसालले महिला, दलित जनजाति, पिछडिएका समुदायका अधिकार संविधानमा उल्लेख भए पनि व्यवहारमा लागु हुन नसकेको बताइन् । संविधानले दिएका अधिकारहरुको स्थापनाका लागि सामुदायिक रेडियोहरुको भूमिका महत्वपूर्ण हुने उनले बताइन् ।

सामुदायिक रेडियो प्रसारक संघले विश्व रेडियो दिवसका अवसरमा ‘रेडियो र विविधता’ विषयक अन्तरक्रिया कार्यक्रम गरेको थियो । ’