पसल फोडेर ११५ तोला सुन लुट्ने ३ भारतीय सतुंगलबाट पक्राउ

महानगरीय प्रहरी प्रभाग पुल्चाेक र महनगरीय प्रहरी अपराध महाशाखा ललितपुर शाखाकाे संयुक्त टाेलीले पक्राउ गरेका भारतीयबाट ११५ ताेला सुन र २५० तोला चाँदी बरामद गरेको छ । महानगरीय प्रहरी परिसर ललितपुरका डिएसपी सन्ताेष तामाङका अनुसार ११२ ताेला सुन पिडितले सनाखत गरिसकेका छन् ।

परिसर प्रमुख एसएसपी टेकप्रसाद राईका अनुसार पक्राउ परेकाहरुले २१ गते राति मंगलबजारमा रहेको सुन पसल फोडेर त्यहाँ रहेको सेफ लिएर फरार भएका थिए । पक्राउ परेका भारतीयहरुले चोरी गरेको सेफ फोडेर सुन चाँदी झिकी सेफ भने वाग्मतीमा फालेको बयान दिएका छन् ।