गगन थापाको प्रश्न : कांग्रेसको कमजोरीको मूल्य जनताले किन चुकाउने ?- समाचार - कान्तिपुर समाचार
कान्तिपुर वेबसाईट
AdvertisementAdvertisement

गगन थापाको प्रश्न : कांग्रेसको कमजोरीको मूल्य जनताले किन चुकाउने ?

कान्तिपुर संवाददाता

काठमाडौँ — नेपाली कांग्रेसका सांसद् तथा केन्द्रीय सदस्य गगनकुमार थापाले प्रतिपक्षी कांग्रेसले गरिरहेका कमजोरीको मूल्य जनताले चुकाउन नहुने बताएका छन् ।

कान्तिपुर कनक्लेभकोदोस्रो संस्करणको 'नेपालः अगाडि कि पछाडि' सत्रमा थापाले राजाको गल्तीलाई अस्वीकार गरेर आएकाजनताले कांग्रेसको कमजोरीमा आफ्ना अधिकारका लागि लड्न छोड्न नहुने बताएका हुन् ।उनले प्रश्न गरे, 'कांग्रेसले जति गर्नुपर्नेहो त्यति गर्न नसकेकै हो । तर कांग्रेसले गरेको कमजोरीको मूल्य चुकाउन नागरिक तयारहो ?'

प्रतिपक्षी कांग्रेसकोनेतृत्वले सत्ताधारी दलसँग लसपस गरेर फाइदा लिइरहेको भए पनि जनताले भने आन्दोलनबाटप्राप्त अधिकार खोस्न नदिन आग्रह गरे । 'हाम्रो कमजोरीको मूल्य हामी चुकाउँला तर नागरिकले आन्दोलनबाटप्राप्त अधिकार खोस्न दिनु भएन,' उनलेथपे ।

निर्वाचित भएर आएको सरकालेजनतालाई बलियो बनाउनुपर्ने नेता थापाको भनाइ थियो । उनले भने, 'नागरिकलाई थप बलियो बनाउनुपर्छ र संवैधानिकसुनिश्चितता गर्नुपर्छ कि नागरिकलाई बलियो बनाउँदै जाने हो,' उनले थपे, 'स्थिरताआएको छ तर हामी स्थिरतासँग डराउने कि खुसी हुने भन्ने प्रश्न आउन थालेको छ । हामीजति बलियो सरकार हुँदै गयो त्यति ठीक हुने भन्नेमा थियौँ तर अहिले प्रश्न उठ्नथालेको छ ।'

थापाले सरकारले ल्याएकाविधेयकले जनताका अभिव्यक्ति स्वतन्त्रता, मानवअधिकार, प्रेसस्वतन्त्रतालगायतका मौलिक अधिकार खोस्न लागेको बताए । 'संसदमा ल्याएका कानुनलाई एक ठाउँमा ल्याएर हेरेमासरकारले के गर्न खोजेको हो भन्ने प्रस्ट हुन्छ ।'


'१४ वर्ष जेल बसेर आएकाप्रधानमन्त्रीको कार्यशैलीप्रति प्रश्‍न गर्ने ? यत्रो शक्ति भएको सरकारलाई हेप्‍नीभन्‍ने गरेको पाइन्छ । तिमीहरु पनि त भागबण्‍डामा सामेल छौ नि भन्ने गरिन्छ ।प्रतिपक्ष भागबण्डामा सामेल छैन म भन्दिनँ,' थापाले भने, 'हामीले बलियो सरकार खोजेको हो कि बलियो नागरिक? यहाँ सरकारले बलियो नागरिक बनाउन खोजेको छैन '

प्रकाशित : माघ २५, २०७६ १६:४१
प्रतिक्रिया
पठाउनुहोस्

'पितृसत्ताले गर्दा मि टु अभियान अघि बढ्न सकेन'

विद्या राई

काठमाडौँ — पितृसत्तात्मक संस्थागत सामाजिक संरचनाले गर्दा नेपालको ‘मी टु’ अभियान तथा कार्यस्थलमा हुने यौन दुर्व्यवहारविरुद्धको अभियान अघि बढ्न नसकेको सरोकारवालाहरुले बताएका छन् ।

कान्तिपुर कन्क्लेभको दोस्रो दिन नेपालको ‘मी टु’ किन अगाडि बढ्न सकेन ? भन्रे सत्रमा बोल्दै राजनीतिक अभियन्ता मानुषी यमि भट्टराईले भनिन्, ‘महिलाको मुद्दालाई राजनीतिक मुद्दाका रुपमा हेरिएको छैन, राजनीतिक दलभित्र जातिगत रुपमा हुने विभेद र लैगिंक हिंसाविरुद्ध लड्ने संयन्त्र नै छैन ।’

उनले पूर्वसभामुख कृष्णबहादुर महरामाथि लागेको बलत्कार आरोपको मुद्दालाई जोड्दै भनिन्, ‘महरा केसमा कति दलले विज्ञप्ति निकाले ? मेरै दलभित्र पनि व्यापक बहस भयो, अन्तत विज्ञप्ति निकालेन, यसबाटै देखिन्छ कि राजनीतिक दलको निरिहता कतिसम्म छ भन्ने ।’

कानुन व्यवसायी दुर्गा कार्कीले भनिन्, ‘कोही बोलेर आयो भने हाम्रो पितृसत्तात्मक सामाजिक संरचनाले उनीहरुको अगाडिको जीवनलाई निकै गाह्रो बनाइदिन्छन्, त्यसैले पनि धेरैजना चुप लागेर बसेका हुन् ।’ उनले मानिसहरुमा रहेको डरका कारण मिटु अभियान अघि बढ्न नसकेको बताइन् । उनले यसमा एकथरीलाई आफैंमा मि टुमा तानिने डर रहेको र दोस्रोथरीको मिटुमा तानिने वर्गसँग राम्रो हिमचिम रहेका कारण अभियान सोचेजसरी अघि नबढेको बताइन् ।

जति बोल्यो उति ‘ट्रमटाइज’ गर्ने सामाजिक संरचनाले भरथेग गरेको रंगकर्मी आकांक्षा कार्कीले बताइन् । उनले भनिन्, ‘मि टु यौनसँग जोडिएको छ, समाजको इज्जतसँग जोडिएको छ, बोल्नेभन्दा पनि ढाकछोप गर्नेतर्फ प्रेरित छ भने अर्कोतर्फ गल्ती स्विकार्नै नचाहने हुँदा बोलेर के नै हुन्छ र भन्ने निराशा पनि छ ।’

कानुन व्यवसायी कार्कीले नेपालमा मि टुलाई अभियानका रुपमा हेरिएको तर संस्थागत हुन नसकेको बताइन् । यसका लागि पीडितहरुलाई सम्बोधन गर्ने कानुनी व्यवस्था हुनुपर्ने उनले औंल्याइन् । यसैगरी परिवार, समाज, कार्यालय, समूहभित्र यौनका बिषयमा खुलेर छलफलको वातावरण हुनुपर्ने पनि उनले बताइन् ।

रंगकर्मी कार्कीले गल्ति स्वीकार गर्ने-गराउने वातावरण बनाइनुपर्ने बताइन् । कार्यस्थलमा हुने यौनहिंसालाई बलत्कारसँग मात्रै जोड्‍न नहुने बताइन् । ‘पीडक बलात्कारी नै हुनुपर्छ भन्ने होइन, कसैलाई असजिलो महसुस भयो भने पनि गल्ति स्विकार्नुपर्छ,’ उनले भनिन्।

प्रकाशित : माघ २५, २०७६ १६:३२
पूरा पढ्नुहोस्
प्रतिक्रिया
पठाउनुहोस्
×