कपनमा फर्के रोहिंग्या

रासस

बनेपा — दुई महिनाअगाडि काभ्रेपलाञ्चोकको पनौती नगरपालिका–३ कुशादेवीमा बसोबास गर्दै आएका रोहिंग्या शरणार्थी मंगलबार पुनः कपनमा नै फर्किएका छन् । स्थानीय सत्यराम थापाको जग्गामा बसोबास गर्दै आएका सो समुदायका १० परिवारका करिब ३४ जना पुनः मंगलबारदेखि कुशादेवी छोडेर कपन फर्केको वडा नं ३ का वडाध्यक्ष ईश्वर थापाले बताए । 

ZenTravel

एक हप्ताअगाडीदेखि नै जानका लागि सामानहरु ओसार्ने क्रममा रहेका उनीहरु मंगलबार सबै परिवार फर्किएको वडाध्यक्ष थापाले बताए । कपनमा बस्दै आएका ती समुदाय त्यहाँका जग्गाको भाडा सम्झौता सकेपछि विकल्प खोज्दै यता आएको पाइएको र अहिले फेरि उतै फर्केर गएको उनले बताए ।

इलाका प्रहरी कार्यालय बनेपाका प्रहरी निरीक्षक योगेन्द्र तिमिल्सिनाले ३४ मध्ये १७ जना १८ गते शनिबारदेखि नै कपनको लसुनटार भन्ने स्थानमा गएको बताए । बाँकी रहेकामध्ये ७ जना सोमबार गएको र बाँकी १० जना मंगलबार गएको प्रहरी निरीक्षक तिमिल्सिनाले बताए ।

अब त्यो ठाउँमा रोहिंग्या समुदायको कोही पनि व्यक्ति बसोबास नरहेको उनले बताए । ती समुदायका १० परिवारको ३४ जनामा १ देखि ६२ वर्षसम्मका व्यक्ति रहेको र जसमा १३ साना बालबालिका र आठ महिला रहेको प्रहरीले जनाएको छ ।

त्यसरी आएका रोहिंग्या कुशादेवी आसपासमा कामको खोजी गर्दै जीविकोपार्जन गर्दै आएको थियो । ती परिवारका पुरुष व्यक्तिहरु दैनिक गुजारा चलाउन काम खोज्ने र श्रम गर्ने रहेको तथा महिला घरको काम गर्ने र परिवार हेरचाह गर्ने गर्दै आएको थियो ।

सुरुमा १४० जनाको संख्यामा हुने भन्दै टहरा बनाउन थालेका उनीहरुले पछि ३४ जना मात्रै हुने भन्दै बनाएको टहरा भत्काएर ११ वटा टहरामा बस्दै आएका थिए । रोहिंग्या समुदायका नुर हप्पिसका अनुसार बनाएको टहराका परिवारअनुसार स्वयंले भाडा तिर्नेगरी बस्दै आएकामा पछिल्लो समय उतै फर्केको हो । नयाँ मान्छेहरु आएपछि सशंकित बनेका त्यहाँका स्थानीय बासिन्दालाई उनीहरुले आफूहरु परिश्रम गरेर खाने मान्छे भएका कारण सशंकित नहुन आग्रह गरेका थिए ।

यो पनि पढ्नुहोस् :
पनौतीमा पनि रोहिंग्या

प्रकाशित : माघ २२, २०७६ १५:१८
प्रतिक्रिया
पठाउनुहोस्
ADVERTISEMENT
ADVERTISEMENT

कोरोना भाइरसका बारेमा अमेरिकाले राजनीति गर्दैछ : दाहाल

दीपक परियार

पोखरा — नेकपाका अध्यक्ष पुष्पकमल दाहालले कोरोना भाइरसका बारेमा अमेरिकालगायत पश्‍चिमा शक्तिले राजनीति गरेको आरोप लगाएका छन् ।

प्रेस संगठन नेपाल, कास्कीले आयोजनामा पोखरामा भएको पत्रकार भेटघाटमा अध्यक्ष दाहालले चीनलाई मन नपराएकै कारण अनावश्यक प्रचारप्रसार गरेर वातावारण दूषित बनाएको आरोप लगाए।

कोरोना भाइरसबाट त्रसित हुनुपर्ने अवस्था नआए पनि सतर्कचाहि‌ँ हुन पर्ने अवस्था नभएको उनले बताए। चीनले कोरोना भाइरसको उपचारका लागि भ्याक्सिन बनाउने काममा लागिरहेको बताउँदै छिट्टै निराकरण हुने आशा उनले व्यक्त गरे।

सन् २००८ मा अमेरिकालगायतका देशमा महामारी फैलिँदा चीनले सघाएको तर अहिले चीनलाई सघाउने कामभन्दा बढी अनावश्यक प्रचार भएको आरोप दाहालले लगाए। शक्ति राष्ट्रले के कुरालाई राजनीतिक रुप दिने वा नदिने भन्नेबारेमा सचेत भएर अघि बढ्नुपर्ने पनि उनले बताए।

त्यस्तै अध्यक्ष दाहालले एमसीसीको ठाडै समर्थन र विरोध गर्नेभन्दा पनि बुझेर मात्रै निष्कर्षमा पुग्नुपर्ने बताए। झलनाथ खनालको नेतृत्वमा गठन भएको तीन सदस्यीय कार्यदलले एमसीसीका बारेमा अध्ययन थालिसकेको अध्यक्ष दाहालले बताए। कार्यदलले ल्याएको कुरा जस्ताको त्यस्तै पास हुन्छ भन्ने नभएको दाहालले बताए। एमसीसी पास गर्ने वा नगर्ने भन्ने कुरा अध्ययन कार्यदलले बुझाएको प्रतिवेदन अध्ययन गरेपछि मात्रै तय हुने पनि दाहालले बताए।

प्रकाशित : माघ २२, २०७६ १५:१०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×