कोरोना भाइरसको प्रभाव नेपाल भ्रमण वर्षमा, चिनियाँ पर्यटकको विकल्प खोजिँदै

जयसिंह महरा

काठमाडौँ — संस्कृति, पर्यटन तथा नागरिक उड्‍डयनमन्त्री योगेशकुमार भट्टराईले चीनमा कोरोना भाइरसको प्रकोप फैलिएपछि नेपाल भ्रमण वर्ष २०२० मा प्रभाव पर्ने बताएका छन् । उनले चीनबाट पर्यटक कम आउने भएकाले मन्त्रालयले पर्यटन मार्केटको खोजी सुरु भएको बताए ।

ZenTravel

प्रतिनिधिसभाको अन्तर्राष्ट्रिय सम्बन्ध समितिको बुधबारको बैठकमा मन्त्री भट्टराईले चीनमा कोरोना भाइरसको प्रकोप फैलिनु पहिले त्यहाँबाट नेपालमा ५ लाख पर्यटक आउने अपेक्षा गरिएको र अहिले त्यसमा कमी हुने आँकलन भएको बताए।'कोरोना भाइरसको वैकल्पिक मार्केटहरूको खोजी भइरहेको छ। यसबारेमा सम्बन्धित सरोकारवाला निकायहरूसँग बस्यौँ। चीनबाट हामीले नेपाल भ्रमण वर्ष २०२० मा ५ लाख पर्यटक आउने अनुमान गरेका थियौँ। गएको वर्ष झन्डै २ लाख आएका थिए,' मन्त्री भट्टराईले भने, 'त्यसमा बढाएर ५ लाख पुर्‍याउने लक्ष्य थियो र विभिन्न चिनियाँ एजेन्सीहरूले साथ दिइराख्नुभएको थियो। त्यो ठूलो मार्केट थियो। कोरोना भाइरसलाई ध्यान दिँदै नेपाल भ्रमण वर्षलाई घाटा भयो भने परिपूर्ति कहाँबाट गर्ने भनेर अन्य मार्केट खोजी गर्नको निम्ती मन्त्रालयले फोकल पर्सन तोकेको छ।'


Meroghar

चीनको विकल्पमा कहाँबाट पर्यटक ल्याउन सकिन्छ भनेर संस्कृति पर्यटन तथा नागरिक उड्‍डयन मन्त्रालयका सहसचिव घनश्याम उपाध्याय, नेपाल पर्यटन बोर्डका सीईओ र पर्यटन विभागको महानिर्देशकलाई फोकल पर्सन तोकिएको मन्त्री भट्टराईले जानकारी दिए।

चीनले कोरोना भाइरस नियन्त्रणका लागि प्रयास गरिरहेको र नेपालस्थित चिनियाँ दूतावासले भ्रमण वर्षको सहयोग गर्न सहकार्य गरिरहेको भट्टराईले बताए।

नेपाल भ्रमण वर्षको तयारी नपुगेको हो कि भनेर सांसदहरूले चिन्ता व्यक्त गरेका थिए। जवाफमा मन्त्री भट्टराईले मुलुकभित्र र बाहिर रहेका निकायसँग छलफल जारी रहेको बताए। उनले भ्रमण वर्ष २०२० मात्रै होइन २०३० सम्मको लागि कार्ययोजना बनाउने तयारी भइरहेको बताए।

नेपालमा कोरोना भाइरसका संक्रमित नभएको र एयरपोर्टदेखि सबै ठाउँमा उच्च सतर्कता अपनाइएको भट्टराईले जानकारी दिए। उनले नेपालमा कोरोना भाइरस नभएको भन्ने कुराको प्रचारप्रसार गर्न पनि सांसदहरूलाई आग्रह गरेका थिए।

भ्रमण वर्षको लागि सरकारले साधनस्रोत र जनशक्ति बढाउने तयारी गरिरहेको बताए। भौतिक पूर्वाधार निर्माण, विमानस्थलको सुधार र सरसफाइमा पर्याप्त ध्यान दिइएको उनले बताए। गौतमबुद्ध अन्तर्राष्ट्रिय विमानस्थल र पोखरा अन्तर्राष्ट्रिय विमानस्थल निर्धारित समयभन्दा पहिल्यै निर्माण सम्पन्न हुने गरी काम भइरेको उनले बताए। तराईको राजविराज बाहेकका विमानस्थल रात्रिकालिन उडानका लागि तयार रहेको बताए।

नेताको प्रभावमा काम लिने तर काम नगर्नेको सम्झौता रद्द गर्ने

नेतालाई प्रभावमा पारेर काम लिने तर सेवा नदिनेको सम्झौता रद्द गर्ने मन्त्री भट्टराईले जानकारी दिए। अन्तर्राष्ट्रिय विमानस्थलमा ट्याक्सी सञ्चालनको ठेक्का लिएको तर प्रभावकारी रूपमा सेवा नदिएको भन्ने सांसदहरूको असन्तुष्टिमा मन्त्री भट्टराईले भने, 'हिजो पार्टी नेतालाई अनावश्यक प्रभावमा पारेर फाइदा लिने काम भए। अब त्यस्तो हुन्न। उनीहरूलाई काम गर्ने भए गर्नुस् नभए सम्झौता रद्द गर्छु भनेको छु।

यसअघि नेपाल वायुसेवा निगमका प्रमुख मदन खरेललाई हटाइएको सन्दर्भमा मन्त्री भट्टराईले यस्तो बताएका हुन्। उनले मन्त्रालय मातहतका निकायमा कुनै नेताको प्रभावमा आएर जागिर खानेभन्दा पनि सेवा दिन आउनेलाई प्राथमिकता दिइने बताएका हुन्।

खरेल प्रधानमन्त्री केपी शर्मा ओलीलाई प्रभावमा पारेर वायुसेवा निगमको प्रमुख भएका थिए। उनले काम गर्न नसकेपछि राजीनामा दिएर अष्ट्रेलिया गएका छन्।

प्रकाशित : माघ २२, २०७६ १२:४१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बाजुरामा भाइरल ज्वरोले २ को मृत्यु, २ सयभन्दा बढी बिरामी

कान्तिपुर संवाददाता

बाजुरा — जिल्लामा भाइरल ज्वरोका कारण मृत्यु हुनेकाे संख्या २ पुगेकाे छ । मंगलबार जिल्लाको स्वामीकार्तिक खापर गाउँपालिका– १ जोरुमा भाइरल ज्वरोका कारण मंगलबार साँझ ५५ वर्षीया मिमा कडाराको मृत्यु भएको थियो । सोही टोलका ७० वर्षीय दलबहादुर रावलको बुधबार विहान मृत्यु भएपछि मृत्यु हुनेको संख्या २ पुगेको हो । रावलको मृत्यु भएको वडाअध्यक्ष जनकबहादुर रोकायाले जानकारी दिए ।  

मृत कडाराको परिवारका ५ जना पनि बिरामी रहेका साप्पटा स्वास्थ्य चौकीका इञ्चार्ज विर्ज विकले बताए। गाउँपालिका १ का विभिन्न स्थानमा 'सिजनल फ्लू' भनिएको भाइरल ज्वरोका कारण २ सय १५ जनाभन्दा बढी बिरामी भएका स्वामीकार्तिक खापर गाउँपालिकाका निमित्त प्रमुख प्रशासकीय अधिकृत कुबेर शाहीले बताएका छन्।

सिङ्गो गाउँ नै बिरामी पर्न थालेपछि स्वास्थ्यकर्मीलाई उपचार गर्न समस्या भइरहेको छ। एक सातायता बिरामीको संख्यामा बृद्धि हुँदै गएको भन्दै स्वास्थ्यकर्मी विकले स्वास्थ्य संस्थामा पर्याप्त मात्रामा औषधि र जनशक्ति नहुँदा समस्या हुन थालेको बताएका छन्।

स्वामीकार्तिक खापर गाउँपालिकाका स्वास्थ्य शाखा संयोजक भक्तबहादुर कैलाले स्टकमा रहेको औषधिसहित भाइरल प्रभावित क्षेत्रमा स्वास्थ्यकर्मी परिचालन गरिने जानकारी दिए। स्वास्थ्यकर्मीहरुले भाइलर ज्वरो अन्य ठाउँमा पनि फैलन सक्ने भएकाले सुरक्षाका उपाय अपनाउन र स्वास्थ्यमा हेरचाह तथा चिसो तातोमा ख्याल गर्न सुझाव दिएका छन्।

हिमाली गाउँपालिकामा पनि भाइरलका बिरामी रहेका छन्। उक्त ठाउँमा बुधबार प्राविधिक सहितको टोली पुग्‍ने भएको छ।

प्रकाशित : माघ २२, २०७६ १२:३७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×