एमसीसी नेपालको हितमा छ : परराष्ट्रमन्त्री 

केही मान्छेले एमसीसीका बुँदाहरु पढ्दै नपढी विरोध गरिरहेको उनको भनाइ छ । एमसीसीमा कुनै पनि सैन्य रणनीति नजोडिएकाले नेपालको हितमा रहेको उनको तर्क छ ।

राष्ट्रको हित, विकासको आवश्यकता र मित्र राष्ट्रहरुसँगको सम्बन्धलाई केन्द्रविन्दुमा राखेर छिटो पास गरिने ज्ञवालीले बताए ।

‘एमसीसीको विषयलाई लिएर बाहिर आइरहेका अनावश्यक अतिरञ्जित, अतिप्रायोजित कुराप्रति सरकार निकै सजग भएर अध्ययन गर्न लागिरहेको छ,’ मन्त्री ज्ञवालीले भने, ‘जसले एमसीसीको पुरा रुप जान्न सकेका छैनन् । तिनीहरुले नै त्यसको विरुद्धमा बोलेका छन् । यो कार्यक्रम ४९ वटा देशमा लागू भएको छ, यसको बारेमा अध्ययन गर्न आग्रह गर्छु ।’