साउनामा निसासिएर दम्पतीको मृत्यु

कान्तिपुर संवाददाता

ललितपुर — साउना गएका एक दम्पतीको निसास्सिएर मृत्यु भएको छ । ललितपुर-१४ सातदोबाटोको विशालचोकमा रहेको फिट एण्ड फाइन एरोबिक फिटनेस जिम सेन्टरमा साउनामा वाफ लिन गएका दम्पतीको बुधबार राति मृत्यु भएको हो ।

ZenTravel

ललितपुर प्रहरी परिसरकी प्रवक्ता एसपी दुर्गा सिंहकाअनुसार मृत्यु हुनेमा हस्त गर्बुजा पुन मगर र नेत्रकुमारी मगर छन् ।

प्रवक्ता एसपी सिंहका अनुसार जिम सकेर दम्पती साउना बाथ लिन गएको तर धेरैबेरसम्म ढोका नखोलेपछि सञ्‍चालकले प्रहरीलाई खबर गरेका थिए । 'हामीलाई राति करिब ९ बजे खबर आएको थियो, हेर्दा बेहोस अवस्थामा भेटिएका थिए । त्यसपछि तुरुन्त पाटन अस्पताल लाँदा चिकित्सकहरुले मृत घोषणा गरेको हो' एसपी सिंहले भनिन् ।

मृतक हस्त मगर पूर्वमन्त्री थममाया थापाका स्वकीय सचिव थिए । म्याग्दी स्थायी घर भएका दम्पती पछिल्लो समय ललितपुर बस्दै आएका थिए ।

फिटनेस सेन्टर सञ्चालकलाई सोधपुछका लागि सातदोबाटो प्रहरीले नियन्त्रणमा लिएको छ ।

प्रकाशित : माघ १६, २०७६ १३:१३
ADVERTISEMENT
प्रतिक्रिया
पठाउनुहोस्

दयाहाङ भन्छन्- कोरोनाभन्दा खतरनाक समाजका भाइरस 

कान्तिपुर संवाददाता

काठमाडौँ — निर्देशक रामबाबु गुरुङ र अभिनेता दयाहाङ राई पर्दाको स्थापित जोडी हो । यी दुईको मित्रताबारे थाहा नहुने फिल्म उद्योगमा कोही छैन भन्दा हुन्छ।

कतिले यी दुईको जोडीलाई गुटबन्दीको रुपमा पनि व्याख्या गर्ने गरेका छन् । जे होस् पर्दामा एक-अर्काका परिपूरक बन्दै आएका छन् दया र रामबाबु । त्यसैले अक्सर रामबाबुका फिल्ममा अभिनेता दया छुट्दैनन् । पछिल्लो समय यी दुईले फिल्म 'माछा माछा'मा एकसाथ लगानी पनि गरेका थिए ।

रामबाबुले निर्देशन गरेका 'कबड्डी' सिरिजदेखि अहिले 'सेन्टी भाइरस'सम्म आइपुग्दा पनि अभिनेता दयाहाङ उनका फिल्मबाट छुटेका छैनन् । जबकि यो फिल्मको मुख्य भूमिकामा कलाकार सिताराम कट्टेल(धुर्मुस) र कुञ्जना घिमिरे(सुन्तली) देखिँदैछन् । फिल्ममा दयाको पनि मुख्य अभिनय रहेको बताइएको छ ।

फिल्मको नाम पहिला 'एन्टी भाइरस' राख्ने योजनामा थिए निर्माण टिम । तर, सितारामका अनुसार फिल्मको स्क्रिप्टकै आधारमा नाम 'सेन्टी भाइरस' राखिएको हो ।

राजनीतिको विकृति र भूमाफियाको विषय फिल्ममा समावेश छ । महामारीका रुपमा संसारभर फैलिइरहेको कोरोना भाइरसभन्दा पनि खतरनाक समाजमा रहेका भाइरसको कथा फिल्मले बोल्ने दाबी गर्छन् दया ।

'समाजलाई हेर्ने दृष्टिकोण राजनीतिभित्र हुन्छ । राजनीति समाजको मेरुदण्ड हो । तर, त्यो मेरुदण्डभित्र केही त्यस्ता भाइरस पनि हुन्छन् । जसले सेन्टी पनि बनाइदिन्छ, कोरानाभन्दा पनि खतरा भाइरस,' उनले भने, 'त्यो भाइरस छिरेपछि समाज कतातिर जान्छ फिल्ममा यस्तै कुरा समावेश छ ।'

प्रकाशित : माघ १६, २०७६ १३:११
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×