नेकपा केन्द्रीय समिति बैठकमा छलफलका लागि समूह विभाजन- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेकपा केन्द्रीय समिति बैठकमा छलफलका लागि समूह विभाजन

कान्तिपुर संवाददाता

काठमाडौँ — नेकपाको केन्द्रीय समिति बैठकमा छलफलका लागि १५ समुह बनाइएको छ । बुधबारबाट राष्ट्रिय सभागृहमा सुुरु बैठकमा छलफलका लागि समूह विभाजन गरिएकाे हाे ।

समूह विभाजनपछि सभागृह, पार्टी मुख्यालय धुम्बाराही र पेरिसडाडाँमा समूहगत छलफल हुने भएको छ । एउटा समूहमा २९ जना सदस्य राखिएकाे छ । समूह विभाजन अल्फाबेटका आधारमा गरिएकाे केन्द्रीय सदस्य डोरप्रसाद उपाध्यायले जानकारी दिए ।

समूहमा सचिवालयका सदस्य भने सहभागि हुने छैनन् । समूहलाई टोली नेता चयन गरी प्रतिवेदन, विधान संशोधन प्रस्ताव र संगठनात्मक प्रतिवेदनमाथि छलफल गरेर पूर्ण बैठकमा लिखित प्रतिवेदन प्रस्तुत गर्ने जिम्मेबारी दिइएकाे छ ।

बुधबारको बैठकमा अध्यक्ष केपी शर्मा ओलीले उद‌्घाटन मन्तव्य राखेका थिए भने अध्यक्ष पुष्पकमल दाहालले दुवै अध्यक्षको तर्फबाट राजनीतिक प्रतिवेदन पेस गरेका थिए ।

त्यस्तै बैठकमा महासचिव विष्णु पौडेलले संगठनात्मक प्रतिवेदन र विधान संशोधन प्रस्ताव पेस गरेपछि बुधबारको बैठक सकिएको छ । समूहगत छलफल बिहिबार १ बजेदेखि हुने केन्द्रीय सदस्य उपाध्यायले जानकारी दिए ।

प्रकाशित : माघ १५, २०७६ १८:१७
प्रतिक्रिया
पठाउनुहोस्

सभामुख सापकोटालाई भारतीय कार्यबाहक राजदूतको बधाई 

कान्तिपुर संवाददाता

काठमाडौँ — सभामुख अग्‍निप्रसाद सापकोटालाई नेपालका लागि भारतीय कार्यबाहक राजदूत अजय कुमारले बधाई तथा शुभकामना दिएका छन् ।

बुधबार सभामुखको कार्यकक्षमा शिष्टाचार भेटघाट गर्दै कुमारले बधाई तथा शुभकामना दिएका हुन् । सापकोटा आइतबार सभामुखमा निर्विरोध निर्वाचित भएका थिए ।

भेटमा कार्यबाहक राजदूत कुमारले सभामुख सापकोटालाई नेपाल भारत सम्बन्ध विभिन्न आयामहरु संग्रहित पुस्तक उपहार दिएका थिए ।

यसअघि नेपालका लागि चिनियाँ राजदूत होउ यान्छीले सभामुख सापकोटासँग भेट गरी सफल कार्यकालको शुभकामना दिएकी थिइन् ।

प्रकाशित : माघ १५, २०७६ १७:४०
पूरा पढ्नुहोस्
प्रतिक्रिया
पठाउनुहोस्
×