नेकपाको महाधिवेशन ०७७ चैत २५ देखि ३० सम्म

नेकपाको नारा :  'समृद्ध नेपाल, सुखी नेपालीको आधार- सुदृढ पार्टी, सुशासन र लोकप्रिय सरकार'
बबिता शर्मा

काठमाडौँ — नेकपाका अध्यक्षद्वय केपी शर्मा ओली र पुष्पकमल दाहालले ०७७ चैतमा महाधिवशेन गर्ने प्रस्ताव केन्द्रीय समितिमा राखेका छन् । बुधबारदेखि काठमाडौंको राष्ट्रियसभागृहमा सुरु भएको केन्द्रीय समिति बैठकमा दुवै अध्यक्षको तर्फबाट दाहालले प्रस्तुत गरेको राजनीतिक प्रतिवेदनमा ०७७ चैत्र २५ देखि ३० सम्म राष्ट्रिय महाधिवेशनको मिति तय गरेका छन् । 

ZenTravel

राष्ट्रिय महाधिवेशनअघि ०७७ भदौ देखि मंसिरसम्म सबै स्थानीय र प्रदेश तहका अधिवेशन सम्पन्न गर्ने कार्यतालिका अध्यक्षद्वयको राजनीतिक प्रतिवेदनमा उल्लेख छ। मंसिर २९ देखि पुस ६ गतेसम्म बसेको स्थायी समिति बैठकमा राष्ट्रिय महाधिवेशनको मिति तय गर्न अध्यक्षद्वयलाई जिम्मेवारी दिएका थिए। स्थायी समितिमा अध्यक्षद्वयले पेस गरेको राजनीतिक प्रतिवेदनमा ०७७ चैतभित्र उल्लेख थियो। सोही प्रतिवेदनलाई परिमार्जित गरी दुवै अध्यक्षको तर्फबाट दाहालले केन्द्रीय समितिमा उक्त मितिसहितको प्रतिवेदन प्रस्तुत गरेका हुन्।

Meroghar

उक्त राजनीतिक प्रतिवेदनमा महाधिवेशन अगाडि देशव्यापी अभियान सञ्‍चालन गर्ने प्रस्ताव गरिएको छ। उक्त अभियान आगामी फागुन १ देखि सुरु भएर असार मसान्तमा सम्पन्न गर्नुपर्ने योजना अध्यक्षद्वयले केन्द्रीय समितिमा प्रस्तुत गरेका छन्।


आगामी फागुन १ देखि १५ सम्ममा प्रदेश, जिल्ला र स्थानीय समितिहरूले बैठक बसेर अभियानको कार्ययोजना बनाउनुपर्ने प्रतिवेदनमा उल्लेख छ। फागुन मसान्तसम्म पार्टी तथा जनवर्गीय संगठनहरू केन्द्र, जिल्ला र स्थानीय तहमा कार्यकर्ता भेला आयोजना गरी अभियानसम्बन्धी अन्य कार्यक्रम सञ्‍चालन गर्ने, चैत र वैशाखमा केन्द्रीय संगठन विभागको योजना र निर्देशनअनुरुप सदस्यता नवीकरण सम्पन्न गर्नुपर्ने, जेठ मसान्तसम्म घरदैलो, पदयात्रा र टोलभेला तथा सभाको आयोजना गर्नुपर्ने र असार महिनामा स्थानीय तहहरूमा जनसभा गर्नुपर्ने अध्यक्षद्वयको प्रतिवेदनमा छ।

प्रतिवेदनअनुसार आगामी साउन दोस्रो हप्ता जिल्ला नेकपाका समितिले आ-आफ्नो जिल्लाको अभियान समिक्षा गर्ने र प्रतिवेदन तयार गरी प्रदेश समितिमा पठाउनुपर्ने कार्यतालिका तय गरिएको छ।

साउन महिनाको तेस्रो हप्ता प्रदेश समितिले आ-आफनो प्रदेशको अभियानको समीक्षा गर्ने र प्रतिवेदन तयार गरी केन्द्रीय समितिमा पठाउनुपर्ने प्रतिवेदनमा लेखिएको छ। साउन महिनाको चौथो हप्ता केन्द्रीय समितिले मुलुकभर सञ्‍चालन गरेको अभियानको समीक्षा गर्ने र प्रतिवेदन पारित गर्ने कार्यसूची प्रतिवेदनमा छ।


अध्यक्षद्वयले केन्द्रीय समितिमा प्रस्तुत गरेको प्रतिवेदनमा मुलुकभर सञ्‍चालन गर्ने अभियानको नारा पनि लेखिएको छ।उक्त नारा 'समृद्ध नेपाल, सुखी नेपालीको आधार- सुदृढ पार्टी, सुशासन र लोकप्रिय सरकार' रहेको छ।

उक्त नारा लिएर जनतामाझ जाने नेकपाको अभियानको नेतृत्व केन्द्रीय सचिवालय, प्रदेश र जिल्ला समितिहरूले गर्ने प्रतिवेदनमा उल्लेख छ।

प्रकाशित : माघ १५, २०७६ १५:३५
ADVERTISEMENT
ADVERTISEMENT
प्रतिक्रिया
पठाउनुहोस्

मोटरसाइकल र जिप ठोक्किदा श्रीमान श्रीमतीको मृत्यु

सन्तोष सिंह

धनुषा — धनुषाको गणेशमान चारनाथ नगरपालिका–६ गोदार सडकखण्डमा बोलेरो र मोटरसाइकल ठोक्किदा श्रीमान र श्रीमतीको मृत्यु भएको छ भने छोरा घाइते भएका छन् । 

मृत्यु हुनेमा मोटरसाइकल चालक गणेशमान चारनाथ नगरपालिका–६ गोदारका ५० वर्षीय जोगेन्द्र साह र उनकी पत्नी ४० वर्षीया प्रमिला रहेको धनुषा प्रहरी प्रमुख (एसपी) रामेश्वर कार्कीले जानकारी दिए। कार्कीका अनुसार उनीहरुका छोरा ९ वर्षीय छोरा जोन सामान्य घाइते भएका छन्। घाइते जोनको उपचार भइरहेको छ।

पूर्वपश्चिम राजमार्ग खण्डमा पश्चिमबाट पूर्वतर्फ आउँदै गरेको बा ६४ प ३०४८ नम्बरको मोटरसाइकल र विपरीत दिशातर्फबाट आउँदै गरेको स १ च १८५८ नम्बरको बोलेरो ठोक्किएको कार्कीले बताए।

ठक्कर दिने बोलेरो र चालकलाई नियन्त्रणमा लिइएको प्रहरीले जनाएको छ।

प्रकाशित : माघ १५, २०७६ १५:३२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×