मोटरसाइकल र जिप ठोक्किदा श्रीमान श्रीमतीको मृत्यु

सन्तोष सिंह

धनुषा — धनुषाको गणेशमान चारनाथ नगरपालिका–६ गोदार सडकखण्डमा बोलेरो र मोटरसाइकल ठोक्किदा श्रीमान र श्रीमतीको मृत्यु भएको छ भने छोरा घाइते भएका छन् । 

ZenTravel

मृत्यु हुनेमा मोटरसाइकल चालक गणेशमान चारनाथ नगरपालिका–६ गोदारका ५० वर्षीय जोगेन्द्र साह र उनकी पत्नी ४० वर्षीया प्रमिला रहेको धनुषा प्रहरी प्रमुख (एसपी) रामेश्वर कार्कीले जानकारी दिए। कार्कीका अनुसार उनीहरुका छोरा ९ वर्षीय छोरा जोन सामान्य घाइते भएका छन्। घाइते जोनको उपचार भइरहेको छ।

Meroghar

पूर्वपश्चिम राजमार्ग खण्डमा पश्चिमबाट पूर्वतर्फ आउँदै गरेको बा ६४ प ३०४८ नम्बरको मोटरसाइकल र विपरीत दिशातर्फबाट आउँदै गरेको स १ च १८५८ नम्बरको बोलेरो ठोक्किएको कार्कीले बताए।

ठक्कर दिने बोलेरो र चालकलाई नियन्त्रणमा लिइएको प्रहरीले जनाएको छ।

प्रकाशित : माघ १५, २०७६ १५:३२
ADVERTISEMENT
ADVERTISEMENT
प्रतिक्रिया
पठाउनुहोस्

चारनारायण मन्दिरको जिर्णोद्वार

कान्तिपुर संवाददाता

ललितपुर — पाटन दरबार क्षेत्रस्थित सोह्रौं शताब्दीमा निर्मित चार नारायण मन्दिरको जीर्णोद्वार सम्पन्न भएको छ । जीर्णोद्वार सम्पन्न भएपछि बुधबार पाटन दरबार क्षेत्रमा गरिएको कार्यक्रममा नेपालस्थित अमेरिकी राजदूत र्‍यान्डी बेरीले नेपालले भ्रमण वर्ष मनाउँदै गर्दा पूर्णरुपमा जीर्णोद्वार भएको यो मन्दिरलाई नेपालप्रति अमेरिकी प्रतिबद्धताको अर्को प्रमाणका रुपमा हेरिनुपर्ने बताए ।

यो मन्दिर २०७२ को महाभूकम्पमा परी भत्किएको थियो।

अमेरिकी दूतावासले जीर्णोद्वारका लागि सांस्कृतिक संरक्षणसम्बन्धी राजदूत कोष (एएफसीपी) कार्यक्रमअन्तर्गत १ लाख अमेरिकी डलर सहयोग गरेको थियो । काठमाडौं उपत्यका संरक्षण कोष (केभीपीटी) ले गरेको जीर्णोद्वारमा वर्ल्ड मोनुमेन्ट फन्ड (डब्लुएमएफ), जापानी दूतावास, जर्मन दूतावास र साउथ एसिया इन्स्टिच्युट-हाइडलवर्गले पनि सहयोग गरेका थिए । कार्यक्रममा पर्यटन तथा नागरिक उड्डयन मन्त्री योगेश भट्टराई र पुरातत्व विभागका महानिर्देशक दामोदार गौतम लगायत उपस्थित थिए ।

एएफसीपीले पाटनमा दरबार, मूलचोक, सुन्दरीचोक र १७औँ शताब्दीका धारापानी संरचनाको जीर्णोद्वार लगायत अन्य परियोजनाहरूलाई सहयोग गरेको अमेरिकी दूतावासले जनाएको छ ।

प्रकाशित : माघ १५, २०७६ १५:२३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×