राष्ट्रपति कार्यालय अगाडि धर्ना दिने १२ मानवअधिकारवादी प्रहरी नियन्त्रणमा- समाचार - कान्तिपुर समाचार
कान्तिपुर वेबसाईट
AdvertisementAdvertisement

राष्ट्रपति कार्यालय अगाडि धर्ना दिने १२ मानवअधिकारवादी प्रहरी नियन्त्रणमा

घनश्याम खड्का

काठमाडौँ — राष्ट्रपति विद्यादेवी भण्डारीले प्रतिनिधिसभाको सभामुखमा निर्वाचिन अग्‍नि सापकोटालाई पद तथा गोपनीयताको शपथ खुवाउन नहुने भन्दै धर्ना दिने १२ मानव अधिकारवादीहरुलाई प्रहरीले नियन्त्रणमा लिएको छ । 

राष्ट्रपति कार्यालय शीतल निवास अगाडि धर्ना दिइरहेका मानव अधिकारवादीहरुलाई प्रहरीले नियन्त्रणमा लिएको जवाफदेहिता निगरानी समितिका संयोजक चरण प्रसाईले जानकारी दिए ।


प्रहरीले नियन्त्रणमा लिएकाहरुमा द्वन्द्वपीडित पूर्णीमाया लामा, एमनेष्टी इन्टरनेशनलका निराजन थपलिया, प्रसाई, द्वन्द्वपीडित साझा चौतारीका महासचिव जनक राउत छन् । पूर्णीमाया द्वन्द्वकालमा हत्या गरिएका अर्जुन लामाकी श्रीमती हुन । लामालाई सभामुख सापकोटाले हत्या गरेका आरोप लागेको छ । सोसम्बन्धी मुद्दा सर्वोच्च अदालतमा विचाराधिन छ । पूर्णिमायाको धर्ना दिने कार्यक्रममा साथ दिन अन्य मानवअधिकारीबादीहरु राष्ट्रपति कार्यालय अगाडि पुगेका थिए ।


अन्यमा महामुनिश्वर आचार्य, एलिना गौतम, विपिन बुढाथोकी, शंकर बुढाथोकी, बालकृष्ण घिमिरे, जेसेलिना राणा, प्रशान्त त्रिपाठी र राजन कुइँकेल छन् ।


प्रकाशित : माघ १३, २०७६ १२:१०
प्रतिक्रिया
पठाउनुहोस्

सभामुख सापकोटाले लिए पद तथा गोपनीयताको सपथ

कान्तिपुर संवाददाता

काठमाडौँ — प्रतिनिधिसभाका सभामुख अग्‍नि सापकोटाले पद तथा गोपनीयताको सपथ लिएका छन् । राष्ट्रपति विद्यादेवी भण्डारीसँग राष्ट्रपति कार्यालय शीतल निवासमा सापकोटाले सोमबार पद तथा गोपनीयताको सपथ लिएका हुन् ।

सपथ ग्रहण समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, प्रधानन्यायधीश चोलेन्द्र शमशेर जवरा, राष्ट्रियसभा अध्यक्ष गणेशप्रसाद तिमिल्सिना, संवैधानिक आयोगका प्रमुखहरु, मन्त्रीहरुलगायत सरकारका उच्च पदस्थ अधिकारीको सहभागिता थियो ।
सापकोटा आइतबार प्रतिनिधिसभाको सभामुखका निर्विरोध निर्वाचित भएका थिए । उनी सिन्धुपाल्चोक–२ बाट २०७४ मा भएको निर्वाचनमा प्रतिनिधिसभामा प्रत्यक्षतर्फ निर्वाचित भएका थिए ।

तस्बिरहरु : अंगद ढकाल

प्रकाशित : माघ १३, २०७६ ११:५२
पूरा पढ्नुहोस्
प्रतिक्रिया
पठाउनुहोस्
x
×