अग्‍नि सापकोटा सभामुखमा निर्विरोध निर्वाचित- समाचार - कान्तिपुर समाचार
कान्तिपुर वेबसाईट
AdvertisementAdvertisement

अग्‍नि सापकोटा सभामुखमा निर्विरोध निर्वाचित

कान्तिपुर संवाददाता

काठमाडौँ — नेकपाका सांसद अग‍्‍नि सापकोटा सभामुख पदमा निर्विरोध निर्वाचित भएका छन् । आइतबार बसेको प्रतिनिधिसभाको बैठकले सापकोटालाई सर्वसम्मत रुपमा सभामुख चयन गरेको हो ।

नेकपाका उपनेता सुवास नेम्बाङले उनलाई सभामुख पदमा निर्वाचित गरियोस् भनेर सोमबार प्रतिनिधिसभाको बैठकमा प्रस्ताव पेश गरेका थिए । नेम्बाङको प्रस्तावमा नेकपाका प्रमुख सचेतक देव गुरुङ,पूर्व सभामुख ओनसरी घर्तीमगर र राजपाका सांसद लक्षमणलाल कर्णले समर्थन गरेका थिए ।



सापकोटालाई सोमबार राष्ट्रपति विद्यादेवी भण्डारीले शितल निवासमा सपथ गराउनेछिन् ।


निवर्तमान सभामुख कृष्णबहादुर महराले संसद् सचिवालयमा कार्यरत महिलामाथि बलात्कार प्रयासको आरोप लागेपछि सभामुखबाट असोजमा राजीनामा गरेका थिए। गत सोमबार उपसभामुख शिवमाया तुम्बाहाङ्फेले पनि राजीनामा गरेपछि नेकपाले सभामुखमा उम्मेदवारी दिएको हो ।




प्रकाशित : माघ १२, २०७६ १५:४७
प्रतिक्रिया
पठाउनुहोस्

प्रदेश ५ को सभाले पारित गर्‌यो शोक प्रस्ताव 

रासस

काठमाडौँ — प्रदेश ५ को  प्रदेशसभा बैठक सांसद बलदेव शर्मा पोखरेलको निधनमा शोक प्रस्ताव पारित गर्दै स्थगन भएको छ । प्रदेशसभामा प्रतिपक्षी दल नेपाली कांग्रेसका नेता पोखरेलको माघ ६ गते  ८२ वर्षको उमेरमा निधन भएको थियो ।

आइतबार बसेको प्रदेशसभा बैठकमा सभामुख पूर्णबहादुर घर्तिले शोक प्रस्ताव प्रस्तुत गरेका थिए । प्रस्ताव पेस गर्दै सभामुख घर्तीले अनूभवि राजनीतिज्ञ पोखरेलको निधनले प्रदेशलाई अपुरणीय क्षति भएको उल्लेख गरे ।

समानुपातिक तर्फका सांसद पोखरेलको निधनले नेपालको प्रजातान्त्रिक आन्दोलनसमेतमा क्षति भएको सभामुख घर्तीले बताए ।
विसं २०१४ मा कांग्रेसमा आवद्ध भई २०१७ देखि २०२१ सालसम्म जेल जीवन व्यतित गरेका पोखरेलले भूमिगत राजनीतिक जीवन विताएका थिए ।

पोखरेल २०३३ मा राष्ट्रिय मेलमिलापको नीति लिई प्रवासबाट फर्केर पार्टीमा क्रियाशिल भएका थिए । पोखरेल प्रदेशसभामा सबैभन्दा जेष्ठ सदस्य थिए ।

प्रकाशित : माघ १२, २०७६ १५:०१
पूरा पढ्नुहोस्
प्रतिक्रिया
पठाउनुहोस्
x
×