प्रदेश राजधानी बुटवल नै हुनुपर्छ : बालकृष्ण खाण

रुपन्देहीको मणिग्राममा दोस्रो औद्योगिक व्यापार मेलाको उदघाटन गर्दै खाणले लहडका भरमा बुटवल अस्थायी राजधानी नतोकिएको बताए । बुटवलबाट सार्न खोजे असहज परिणाम आउने उनले बताए ।

खाणले अन्तर्राष्ट्रिय पहिचान र तागत बोकेको लुम्बिनी, सुरक्षा व्यवस्था, विमानस्थल, पर्यटन, शिक्षा, स्वास्थ्य, यातायातको सुगमतालगायत पर्याप्त पुर्वाधारका आधारमा प्रदेश राजधानी बुटवलको विकल्प सोच्न नसकिने तर्क खाणको छ ।

सरकारले मिडिया काउन्सील, सूचना प्रविधि, सम्पत्तिको हक, गोपनियताको हक, मानवअधिकार लगायत जनताका अभिव्यक्ति स्वतन्त्रता र मौलिक हक कुण्ठित गर्ने खालका विधेयक ल्याएर निरंकुश बन्न आरोप उनले लगाए ।

सरकारले संविधानको प्रतिकूलतामा काम गर्न खोजेर संविधान उल्लंघनको प्रयास गरेको भन्दै खाणले संविधान विपरीत नजान सुझाव दिए ।