मनाङेविरुद्ध उजुरी दिने गुरुङ पक्राउ- समाचार - कान्तिपुर समाचार
कान्तिपुर वेबसाईट
AdvertisementAdvertisement

मनाङेविरुद्ध उजुरी दिने गुरुङ पक्राउ

लालप्रसाद शर्मा, दीपक परियार

पाेखरा — कास्की फुटबल संघका अध्यक्ष मिलन गुरुङ पक्राउ परेका छन् । केही ठगी र बैंकिङ कसुर मुद्दामा उनलाई शुक्रबार पक्राउ गरिएको कास्की प्रहरीले जनाएको छ । ‘मिलन गुरुङविरुद्ध बैंकिङ कसुर र ३ वटा ठगी मुद्दामा उजुरी परेकाले पक्राउ गरिएको हो कास्की प्रहरीका प्रवक्ता डीएसपी राजकुमार केसीले बताए । जाहेरीवालाको नाम भने खुलाउन नमिल्ने उनले बताए । 

बक्यौता रकम तिर्नुको सट्टा मिलन गुरुङले आइतबार पोखरा क्रियटिभ अवार्ड हाउसका सञ्चालकलाई हातपात गरेका थए । मिलन पटकपटक झैझगडामा मुछिँदै आएका छन् । प्रतियोगिता गर्ने, रकम बुझाउनुपर्ने ठाउँमा नबुझाउने र पैसा माग्दा गुण्डागर्दी शैली प्रदर्शन गरेर कुटपिटमै उत्रिने उनको स्वभाव रहँदै आएको छ ।


मनकामना पोखरा कप फुटबल प्रतियोगिताको अघिल्ला केही संस्करणका तिनुपर्ने रकम बाँकी रहेको उनीमाथि आरोप छ । क्रियटिभ हाउसका सञ्चालक रामकृष्ण पौडेलका अनुसार संघबाट उनले १० लाख रुपैयाँ पाउनुपर्ने छ । आइतबार केही सामान लिन मिलन क्रियटिभ अवार्ड हाउस पुगेका थिए । सञ्चालक पौडेलले पहिलेको बक्यौता रकम मागेपछि गुरुङ हातपातमै उत्रिएका थिए । पौडेलले पनि आइतबार जिल्ला प्रहरी कार्यालयमा गुरुङविरुद्ध ठाडो उजुरी दिएका थिए ।


गण्डकी प्रदेशसभा सदस्य दीपक मनाङे भनिने राजीव गुरुङले मिलनमाथि केही दिनअघि थप्पड हानेका थिए । मनाङेविरुद्ध अभद्र व्यवहारसम्बन्धी मुद्दामा मिलनले जाहेरी दिएपछि दिपक मनाङे पनि बिहीबार पक्राउ परेका थिए ।

प्रकाशित : माघ १०, २०७६ १५:१८
प्रतिक्रिया
पठाउनुहोस्

बेगनास तालमा डुंगा पल्टिँदा ५ जना बेपत्ता, दुईकाे मृत्यु (अपडेट)

लालप्रसाद शर्मा, दीपक परियार

पाेखरा — पोखराको बेगनास तालमा शनिबार दिउँसो डुंगा पल्टिँदा पाँच जना बेपत्ता भएका छन् भने २ जनाको मृत्यु भएको छ । नौ जना सवार डुंगामा एक महिला, एक पुरुष र तीन बालबालिका बेपत्ता भएका हुन् ।

दुर्घटनामा उद्धार गरिएकी कृष्णकुमारी बजगाईं र जमुना गैरेकाे मृत्यु भएकाे हाे । घटनामा दुई महिला र एक पुरुषको उद्धार गरिएको थियाे।

उद्धार गरिएका निषा पौडेल, सपना खनाल र कमलराज कँडेलकाे शिशुवास्थित लेखनाथ लायन्स सामुदायिक अस्पतालमा उपचार भइरहेकाे छ ।

तीजको दर खाने कार्यक्रममा सहभागी हुन जाँदै गरेका चेलिबेटी बोकेको डुंगा दुर्घटना भएको हो ।पोखरा–३० बेगनासका कमलराज कँडेलले शनिबार आफ्नो घरमा चेलिबेटीलाई दर खुवाउने कार्यक्रम राखेका थिए । उनी चेलिबेटीलाई लिन आफ्नै डुंगामा ताल वारि आएका थिए । कँडेल उपचाररार्थ अस्पतालमा छन् । चेलिबेटी, भाञ्जाभाञ्जी बोकेर पारि फर्किदैँ गर्दा तालको मध्य भागमा डुंगा पल्टिएको थियो । डुंगा दुर्घटनाको कारण खुलिनसकेको प्रहरीले जनाएको छ ।

गैंडाकोटबाट आएका एकै परिवारका श्रीमान्, श्रीमती र दुई छोराछोरी दुर्घटनामा परेका छन्। श्रीमतीले पौडिएर ज्यान जोगाएपछि बाँकी तीनजना बेपत्ता भएको कँडेलकी आफन्त सविता तिवारीले बताइन् । ‘सानोबुबा सधैं वारपार गर्नुहुन्थ्यों,’ उनले भनिन्, ‘मलाई पनि बोलाउनुभएको थियो आज । कार्यालयमा बिदा नमिलेर जान पाइँन । आजै यस्तो भयो ।’

बेपत्ताको खोजी जारी रहेको डाँडाको नाक प्रहरी चौकीका प्रहरी निरीक्षक किरण राउतले जनाए ।


प्रकाशित : भाद्र २३, २०७५ १३:४४
पूरा पढ्नुहोस्
प्रतिक्रिया
पठाउनुहोस्
×